ድንቃ ድንቅ

በአፍሪካ ምርጥ አምስት የፕሬዚዳንቶች አውሮፕላን ዝርዝር ውስጥ የሞሮኮው ቦይንግ 747 ቀዳሚውን ስፍራ ይዟል። በዋናነት ወጪ የተደረገባቸውን ገንዘብ መሰረት አድርጎ አፍሪካን ክራድል የተባለ ድረ ገጽ ደረጃውን አውጥቷል። በዚሁ መሰረት እጅግ ቅንጡ የፕሬዚዳንቶች አውሮፕላኖች በደረጃቸው ተቀምጠዋል።

• የሞሮኮ ንጉሥ አውሮፕላን (ቦይንግ 747- 400) ከ450 ሚሊዮን ዶላር በላይ ወጪ ተደርጎበታል።በአፍሪካ በዘመናዊነቱ እና በአወጣው ዋጋ ቀዳሚውን ስፍራ የያዘው ቦይንግ 747 አውሮፕላን ሁለት ወለሎች አሉት። የታችኛው ወለል የስብሰባ ፣ ሲኒማ አዳራሾች እና የቲያትር ማሳያ ክፍሎች ይዟል። የላይኛው ወለል ደግሞ ፑል እና አምስት የመኝታ ክፍሎችን አካቷል።
• የሊቢያ ፕሬዚዳንት አውሮፕላን (ኤ340) የሊብያ ፕሬዚዳንቶች የሚጓዙበት አውሮፕላን አፍሪቂያህ ዋን ተብሎ ነው የሚጠራው። አውሮፕላኑ በጣም ውድ እና ውብ ክፍሎች፣ መጸዳጃ ቤቶች፣ የመታጠቢያ ክፍሎች፣ የምግብ ማብሰያ ክፍሎች አሉት። ኤ340 አለመረጋጋት ውስጥ ባለችው ሊቢያ ፕሬዚዳንቱ ትሪፖሊን መርገጥ ቢያስፈራቸው ምድር ላይ ሳያርፍ ለወራት መቆየት የሚያስችሉ ነገሮች የተሟሉለት ነው። አውሮፕላኑ አራት ሞተሮች ያሉት ሲሆን፥ በስዓት 850 ኪሎ ሜትር የመብረር አቅም አለው። ይህ እጅግ ዘመናዊ አውሮፕላን 411 ሚሊየን የአሜሪካ ዶላር ወጪ እንደተደረገበት ተገልጿል።
• የዚምባብዌ ፕሬዚዳንት አውሮፕላን (ቦይንግ 767) 400 ሚሊየን የአሜሪካ ዶላር ወጪ የተደረገበት የዙምባቤ የፕሬዚዳንት ሙጋቤ አውሮፕላን
•  
•  

ከአፍሪካ ምርጥ አምስት አውሮፕላን ተርታ ተሰልፏል። ሀገሪቱ የዚህን አውሮፕላን ዋጋ እስከአሁን የከፈለችው 360 ሚሊየን ዶላሩን ነው። በሰዓት 858 ኪሎ ሜትር መብረር የሚችለው ቦይንግ 767 በዓለማችን ፈጣን ከሚባሉ አውሮፕላኖች መካከል ይጠቀሳል።

• • የናይጀሪያ ፕሬዚዳንት አውሮፕላን (ቦይንግ 737) የአፍሪካ ባለግዙፍ ኢኮኖሚ ባለቤቷ ናይጀሪያ ፕሬዚዳንት ጉድላክ ጆናታን 390 ሚሊየን የአሜሪካ ዶላር በፈሰሰበት ውድ አውሮፕላን ነው የሚጓዙት። አውሮፕላኑ ፕሬዚዳንት ጆናታን በጉዞ ላይ እያሉ ምንም ዓይነት ጥቃት ቢሰነዘርባቸው የሚመክት አዲስ ቴክኖሎጂም የተገጠመለት ነው።
• • የአልጀሪያ ፕሬዚዳንት አውሮፕላን (ኤ340-500) የአልጀሪያ ፕሬዚዳንት የሚበሩበት በግዝፍና አራት ሞተር ባለው ኤ340-500 የግል አውሮፕላን ነው። አውሮፕላኑ በፕሬዚዳንቱ ፍላጎት የተሠራ ሲሆን፤ 150 መንገደኞችን የማስተናገድ አቅም አለው። የግል መኝታ ክፍል እና ሁሉም ነገር የተሟላለት ሻወር ቤት ያለው ኤ 340-500 ለ 14 ስዓታትም ያለማቋረጥ መብረር እንደሚችል ተገልጿል።
• ምንጭ፡- አፍሪካን ክራድል
• አዲስ ዘመን ሰኔ 14/2012