Raayyaan Ittisa Biyyaa Sudaan Pirezdaanti Omar Hasan Albashir to’annaa jala oolchuun taayitaa biyyattii bulchuu qabate.
Omaar Hasan Albashir waggootii 30f biyyattii kan bulchan yammuu ta’u, har’a raayyaa ittisa biyyattiitiin taayitaarraa kaafamaniiru.
Raayyaan ittisaa biyyaa Sudaan waggoota lamaaf biyyattii akka bulchus ibsameera.
Ministirri Raayyaa Ittisa Biyyaa Sudaan, Awaad Ibin Oof ibsa kennaniin, waggootiin lamaan bara ce’umsaa ta’uu eeranii, labsiin yeroo hatattamaa baatiiwwan sadiif turus labsamuusaa beeksisaniiru jechuun miidiyaaleen adda addaa gabaasaniiru. Bariisaa Ebla 4/ 2011
