Obbo Alamaayyoo Hayilee
Kutaa 5fa
Ayyaanni kan uumama kamiyyuu keessatti Waaqni ittiin addeeffamu ykn mul’atu. Ayyaana gaariis ta’e yaraa ykn badaan Waaqatu kennaaf. Carraan gaariis ta’e yaraan kan namoonni qaban, ayyaana dhalootasaaniitiin qabanirratti hundaa’a. Waa’ee kanaa ilaalchisee barreessaan tokko akka kanaa gadiitti addeessa:
Ayyaana refers to that by which and through which, Waaqa, God created everything. Ayyaana is in fact both that which causes something to come into being and to become that which it has caused. Ayyaana is therefore that which exists before and after that which it causes to come into existence.
Namni tokko ayyaana ykn guyyaa itti dhalate sana qabaata jedhame dhugeeffatama. Guyyaan hundimmoo ayyaana ofii ofiisaa qaba. Ayyaanonni ykn guyyoonni ayyaana ofii ofiisaanii qaban kunniin 27. Guyyoota 27 kanaaf Oromoon ayyaana isaaniin waliin maqaa qabaaf. Ayyaanonni kunniin guyyoota uumaan /waaqayyoo/ uumama itti uumeedha. Waan tokko tokko guyyaa tokkotti, waan tokko tokko guyyaa lamatti, waan tokko tokko guyyoota sadi keessatti akka uume agarsiisa.
Walumaagalatti garuu uumama hundaa guyyoota 27 keessatti akka uume mul’isa. Jiini /baatiin/ Oromoo immoo waggaatti 12 ta’ee, akka ragaa afoolaa manguddoota Booranaatti, ji’a tokko jedhamee kan lakka’amuu jalqabu baatii afraasaarraa (Mudde) eegaleeti.
Lakkoofsi ji’aafi waggaa Oromoo kun qarooma aadaa dhaha (astronomy) Oromoo Kuush, kan lakkoofsi guyyaa, ji’aafi waggaa ba’uufi goobanuu ji’aa /Baatiirratti/ hundaa’eeti. Jiini kun al tokko guyyaa 15, al tokko tokko immoo guyyaa 14, 16tti goobantee deebitee yeroo mul’attu jira.
Haala kanaan, ba’uuniifi goobanni ji’aa ji’atti walumatti, al tokko guyyaa 27,28, 29,30fi 31 ta’uu danda’a. Kun qaroomaafi beekumsa /wisdom/ Oromoo seera uumamaafi astironoomii saayinsii uumamaarratti hundaa’erraa kan madda ta’ee, bu’uuraafi ka’umsa beekumsa qaroomaa ilma namaa maraati.
Falaasamni safuu uumaaf uumamaa Oromoos (moral, ethical and scientific Oromo wisdom of safuu about Nature) bu’uura beekumsaafi qarooma ilma namaa uumaafi uumamaa duraati. Ragaan barreeffamaan jirus akkana jechuun ibsa:
1.3 Seenaafi safuu Oromoo.
Safuun maali?
Safuun hariiroo dhalli namaa Waqaafi lafaan, abbaafi haadhaan, hangafaafi quxisuun kkf waliin qaban kan mul’isu heeraafi seerota isaan waliin qabatan ykn aadaa isaan waliin qooddatan kan mul’isu duudhaa hawaasni ijaareedha yookaan hariiroo waliin jireenyaati. Kanaaf safuun amantii, kabaja, sodaa, lagannaa,
ulfinaafi jalalaa of keessaa qaba. Kanaaf bareessitoonni Aadaa Oromoratti qorannoo gaggessan tokko tokko yoo safuu ibsan akkana jedhu,
Safuu is a moral category based on Oromo notions of distance and respect for all things. The concept of safuu is not merely an abstract category: it constitutes the ethical basis upon which all human action should be founded, it is that which directs one on the right path; it shows the way in which life can be best lived.
Safuu Oromoo, dhalli namaa seera uumamaa beekee kabajuudhaan seeraafi heera baafatee, uumama naannoo kabajee, cubbuu lagatee akka jiraachuu malu kan barsiisuudha. Barreessaa beekamaan biyyaafi lammi Jarman ta’e, Lambarti jedhamu, kitaaba “Oromoo Religion” jedhamu keessatti, waa’ee safuu Oromoo ilaalchisee akka kanaa gadiitti addeessa:
Safuu is fundamental and all-pervading concept in the Maccaa Oromoo life. It implies that all things have a place of their own in the cosmic and social order, and that they should keep this place. Their place is conditioned by the specific ayana each of them has received from Waqa.
Every creature, and especially man, has to act according to its own ayana and to respect the others’ ayyaana. Safuu implies both rights and duties. In the people’s eyes wisdom is “knowing safuu and abide by it.
Akka duudhaa Oromootti, safuu buufachuun ulfina Waaqaa dura buusuudha. Hariiroo isaan jiddu jiru Oboofi Cooraan, angafaafi quxisuun walkabajuudhaan jiraata. Yoo waan dabaan seera uumaarraa jallatee, kan Waaqni hinjaalanne hojjetame safuu Waaqayyoof, kana Waaqayyo nu haa baraaru jedhama. Safuu kan hinqabne, kan hinsaalfanne, angafaafi quxisummaa kan hinkabajameedha jedhu.
Walumaagalatti, kan Waaqayyoo hinfeene, karaafi seera uumaa uumamaa Waaqayyoorraa kan maqe ykn. jallate hundaaf safuu Waaqayyoof jedhama. Safuun Waaqayyoo ulfina guddaadha.
Kabajaafi sodaa Waaqayyoorraa, seera uumaa uumamaa Waaqayyoof abboomamuurraa kan ka’e safuu Waaqayyoo jedhama.
Haaluma kanaan, mataduree sakatta’a Kaaba Baha Afrikaafi safuu jedhu jalatti, Oromoo gama hundaanuu kan ilaalamee jiru yogguu ta’u, madda Oromoo ilaalchisee falmii hayyoota adda addaafi odeeffannoo maanaguddoota Oromoon waliin godhama tures madaalchifnee ilaalla.
1.4. Qubsumaafi falmii hayyoota seenaa
Seenaafi qubsuma Oromoo ilaalchise barreeffamni seenaa Oromoorratti godhamaa ture ka’umsa dogoggorra Abbaa Bahereerra waan ka’eef hayyoota heddu dogoggorarratti akka kufan godha ture. Kanaaf lafa jireenya Oromoo kan durii dhabuun rakkachaa waan turaniif (where is the Home Land of the Oromo) , jechuun gaafachaafi barreessaa turan.
Kaayyoon barreeffama kanaa inni guddaan madda ykn biyya Oromoo ilaalchisee yaada barreeffamaafi afoolaa namoota adda addaafi xiinxaluudha. Haa ta’u malee jalqaba madda saba Oromoo ilaalchisee yaada hayyoota adda addaafi afoolaa waliin xiinxallee osoo hin ilaaliin dura, jecha “Madda” jedhu ilaaluun barbaachisaadha. Galmeen jechootaa “Oxford Advanced Learners1” jecha “Madda” jedhuuf hiika yoo kennu “bakka waan tokko irraa ka’u yookaan jalqabu” jechuun hiika.
Fkn. Madda malka laga Abbayyaa, madda laga Gibee, jennee yoo dubbannu bakka lageen yookiin malkaan kun irraa burqan yookaan keessa ka’an jechuudha. Madda lagoota kanaa bira geenyee eessaa akka maddan garamitti akka yaa’an arguus, dubbachuus ni dandeenya.
Maddi laga tokkooyyuu asii burqa kan jennu, bakka lagni sun lafa keessaa bahee dirreerratti agarruun madda lagichaa jennee dubbachuu dandeenya. Garuu, lagni sun lafa jala hagam yaa’ee gubbaatti akka bahu hin beeknu.
Madda bishaan sanii jennee kan dubbannu, lafa gubbaatti bakka agarru sanaan madda laga kanaa jennee himuu dandeenya. Haa ta’u malee, madda saba tokkoo akka madda laga tokkoo bakka akkasiiti jedhanii himuun nama rakkisa. Kitaaba “Seenaa Oromoofi Sirna Gadaa” jedhu keessattis, barreessitoonni kitaabichaa yaada olitti kaafne deeggaruun madda Oromoo yeroo barreessan akkas jedhanii turan:
Maddi ummata tokkoo lafa akkasii, goleefi boolla akkasii keessa jedhanii himuun baay`ee nama rakkisa; hin barbaachisus ture. Ummatni tokko akka bineensaa boolla keessa jiraachaa turee; gaaf tokko akka Waakkoo kan ol bahu miti. Idileetti maddi saba sanaa damee dhala namaa irraa gosa akkasii keessaati jechuun ni ga’a ture.
Madda saba Oromoos hoggaa xiinxalan haala kana hordofuun quubsaa ta’a. Haa ta’u malee seenaa Oromoo warri barreessan dabsaa waan turaniif dirqiitti waa’ee madda Oromoo kaafnee xiinxaluun barbaachisaa ta’a, jedhaniiru.
Egaa, madda ummata Oromoo qorachuun ykn barreessuun maaliif barbaachise? Qorattoonni seenaa madda ummata Oromoo baruuf maaliif dhiphatan? kan jedhu xiinxala gadi fageenyaa barbaada.
Kanaaf barreeffamoonni seenaafi xiinhawaasaa ilaalcha Semetikiin faalaman ragaa sobaa dhiheessu hundee ummata Oromoo Afrikaa ala taasisu. Ilaalchi kun barreessitoota Abisiniyaafi deeggartootasaaniitiin waggoota dheeraaf irra deddeebi’amee calaqqiseera.
Kana keessatti barreeffamni Abbaa Baahiree (bara 1593) shoora guddaa qaba. Duula buttaa Oromoon jaarraa 16fa irraa eegalee Madda Walaabuutii gara kallattiilee adda addaatti taasise barreeffama Abbaa Baahiree ragaa taasisuun biyya Oromoo Itoophiyaa ala yookaan Kibba Itoophiyaatti gadi butu. Imaammata “Sobni yoo irra deddeebi’ame dhugaa ta’a!” jedhu qabatanii barreeffama Abbaa Baahiree keessaa jecha “Galaana Gama” jedhu qofa luqqisanii fudhachuun akka Oromoon baargamaa dhufe fakkeessanii barreessaniiru.
Akka Baahireen barreessetti yeroo inni bataskaana Gaamoo jirutti, Oromoon “Laga biyyasaanii Galaana jedhamu cehanii dhufan” jedha. Barreeffama kanarraa yaada quubsaa ta’e argachuun sababa lamaaf hin danda’amu. Tokkoffaan Ummani Oromoo bara 896/7 keessa Galaan Oromoota kaaba shawaa keessatti motumma yeshawaa sulxaaneet akka ijaareefi hanga bara 1270 ga’utti naanno bahariin itti dhalate san waggoota 400 caaluuf akka bulchaa ture haalun kan barra’edha.
Baahiree seenaa dhugaa barreessuuf hin ture; ragaa dhugaa irrattis kan hundaa’e miti. Kaayyoon isaa gurmaa’inaafi dandeettii waraana Oromoo yeroo sanaa mootummaa Kiristaanaaf ibsuuf ture. Sababa kanaaf walitti bu’insa mootummaa Abisiiniyaafi Oromoo gidduu yeroo sanaa ture ilaalchisee yaada madaalamaa hin qabu. Mootummaa Abisiiniyaa yeroo sanaa faarsee, Oromoo abaaree, tuffatee garee inni deegaru gargaaru kan barreessedha. Lammaffaa, lagni “Galaana” jedhamuufi bataskaanni Gaamoo eessatti akka argaman sirriitti hin ibsine. Lagni “Galaana” jedhamu hedduun Oromiyaa keessa jira. Darbees Bataskaanni Gaamoo jedhamtuufi umurii yeroo sanaa qabdu Galaan Abbichuu Angololaafi xaraa keessatti argamti . Inni sadaffaan gamoon naannoo Haroo Xaanaa akka jiru ragaan ni ibsa. Kana malees, Gaamuufi Haagara Maaraano konyaa Kaaba Shawaa lafa Baasoofi Warraanyaa gara Kibbaatti argamu lafa bal’aa Oromoo warra Abbichuufi Jiddaa irratti argamudha.
Barreeffamni Atsime Goorgis seenaa Oromoo waggaa dhibba Afurii fedhii Mooticha Minilikiif barreesse. Kitaabni Alaqaa Taayyee (Ye Itoophiyaa Hizb Taarik) seenaafi aadaa Oromoo haaluu bira darbee ilaalcha dogoggoraa barreessitoonni isa dura turanii irra deebi’eera Ittifufa.
BARIISAA SANBATAA Hagayya 1 /2013
