Maal dubbadhee maaliin dhiisaa
Roorroofi dhiibbaa yeroo sanaa
Aniifi obboleeyyan koo baayyee midhamne
‘Dubartiin goolaa olitti’ jechama jedhuun ukkamamne
Abbaan manaa abbaa mirgaa kan fedhe raawwatee
Ani dhaggeeffattuu inni dubbataa turee
+++++++++++++++++++++
Ayi! bara sana ayi jabana sana
Qabeenya koorratti mirga murteessuu koo mulqamee
Imimmaan koo akka galaanaa dhangala’aa turee
Har’a mirgi walqixxummaa seeraan mirkanaa’e
Imimmaan koo dhangala’aa tures haqamee
Olaantummaan abbaa warraa dhiibboo ta’ee hafe
++++++++++++++++++++++++++++++++++++++++
Kan garaa koo keessaa har’a ifatti dubbadhee
Sodaa tokko malee waltajjiirra dhabadhee
Hoggaansa haaromsaafi investara ta’eera
ofii koo murteessee jiraachuu danda’eera
Eeyye har’a walqixa abbaa mirgaa guutuu
Eenyuyyuu kan na harka hinfudhanne
Birhaanee Asfaawu, Waajjira Dhimmoota Kominikeeshiinii Mootummaa Bulchiinsa Magaalaa Fiicheerraa
Gaazexaa Bariisaa Onk 29/2012