Addis Ababa:- Hawaasi gaangaawi woradira 82 miliyoone birra gaamme ijaarroonniti Gaallo Argeessa gorsu pirojekte loosi goofeenna tenne sa’u muli barrubba giddo maassiinse dagoomaho owaantete fano assinoonni.
Aliyye Sidaami zoone Hawaasi gaangaawi woradira ijaarroonniti Gaallo Argeessu gorsu pirojekte maassante owaantete fano ikkitinota Sidaamu Qoqqowi Wayinna wolqate Biiro egensiissino.
Biirote sooreessi kalaa Kebbede Ganoole maassote amuraati aana xawisino garinni; qooxeessaho loosidhe galtino daga heeshsho woyyeessatenna laalchonna laalchimma lossate wayi injoo garunni horoonsi’ra hananfoonni.
Kalaa Kebbade xawishshi garinni; loosidhe galtino daga xeena calla agarte laashshidhanno hayyo soorratenni wayi injoo horoonsidhe laashshi’ra dandiitannonna tirfe laalcho laashshatenni heeshshote oolto ga’labbisate uminsa qeecha fultanno gede Biiro illacha tugge loosaanni afantanno.
Qoqqowu Gorsu Pirojekte Ejense loosu harisaanchi kalaa Mesfin Belay isi widoonni; pirojekte 140 hekitaare baatto aana ijaarantinota ikkitanna; 200 loosidhe galtino daga horaameeyye assitannota xawisino.
Gaazeexu Odeessaanchinni
Bakkalcho Ammajje 7, 2016 M.D
