Addis Ababa:- Qoqqowoho 2016 rosu dirinni rosaano roso murte fultannokki gede assate illachinshe loonsannita Sidaamu Qoqqowi Rosu Biiro egensiissu.
Qoqqowu Rosu Biiro Miseessu Sooreessinna Rosa, Rosiisatenna Keenote Handaari Sooreessi Kalaa Taaffese Gebremaariyami Itophiyu pireesete uurrinshara xawisino garinni; qoqqowoho sa’u lame dirra giddo rosaano roso murte fulate bikki luphiima ikkasi keennoonni.
Mite mite woraddarano sa’u dirra rosonsa murte fultanno rosaano bikki luphiima ikkinota woradda bande keenate dandiinoommo yiinohu kalaa Taaffese; tayxe rosu dirinni kayinni rosaano rosonsa murte fultannokki gede, ubbannokkinna rosu hafanfarre heedhannokki gede assate illachiinshe loonsannita xawisino.
Gobboomu deerrinni ikko qoqqowinkera rosaano rosu battalansara hossannokki gede assitanno korkaatta no yiinohu kalaa Taaffese; rosaano badhe qoltanno guffa aana illacha tunge loonsanni gede balaxote qixxaawo assinoommo yiino. Rosaanono kayinni rosu minira iillite higa calla ikkikkinni albillicho bilchaatanna heewisamaano ikkate uminsanni ajuuja noonsare ikka hasissannota huwachishino.
Handaarunni jawa illacha tunge loonsanni hee’noonniha ikkirono; dirinsa rosoho iillino qaaqquulli agarroonni garinni rosu battalara dagginokkita kule; konni kaiminni tayxehu haaru rosu dirinni kayinni dirinsa rosoho iillinonsa qaaqquulle dandaami garinni rosu battalara dagganno gede murci’ne loonsannita coyi’rino.
Qoqqowoho sai 2014 rosu dirinni hananfe 185 rosi minnara baxxino garinni rosaanonnita nabbawatenna borreessate dandoo woyyeessate loonsoonni yiinohu sooreessu; konni dirinnino, baalante umi dirimi rosi minnara hajo la’annonsa bissa qajeelsatenni harancho yanna giddo rosaano nabbawatenna borreessate dandoo lossate illacha assinoonnita coyi’rino.
Qoqqowoho 2016 haaru rosu dirinni balaxote rosi deerrinni hanafe 12ki kifile geeshsha xaphoomunni 1.6 miliyoone ale rosaano borreessate mixi’ne Woxawaajje 15/2015M.D hanafe borreessinanni keeshshinoonnita kule; Wocawaaro 14/2016M.D roso faajjetenni hanafisiinsannita egensiisino.
Rosu dirinni 87 kume gaamaareeyye borreessate mixi’noonnitano hattonni. Rosu diro faajjetenni hanafate albaanni mitte lamalara rosaanote maate, rosaanote hattono rosiisaanote ledo rosu lamala ayirrinsannitano lede xawisino.
Amsaalu Felleqe
Bakkalcho Wocawaaro 3, 2016 M.D
Hello there, just became aware of your blog through Google,
and found that it’s truly informative. I am going to watch out for brussels.
I’ll be grateful if you continue this in future. Many people will be benefited
from your writing. Cheers! Escape room lista
Very interesting details you have remarked, appreciate it for posting.!