Addis Ababa:- Shewaal Idi ayyaani halantino mootimmuwara rosu, sayinsetenna budu uurrinshara amammandannikki donimmanni /UNESCO/ te 5ki dona ikke borreessamasi harunse Hareri qoqqowi mootimma uyitino xawishshinni;Itophiyu haammata bude, donanna naaxxissanno balchoomma noose gobbaati. Gobbanke noose biifado dagoomittete balchoommanni mittu Shewaal Id ayyaanaati.
Shuwaal Idu seesiqalote, maattote, budu uddannanna wolootta budu kifilla sa`annoha, dagoomitte halamme kaajjishanno, budu rosicho assinanni, angate ogimmate gumma leeltanno addi ayyaanaati.
Gobbanke daga mittimmate balchooma boowirsitanno ayyaannanni mittu Shewaai Id ayyaana qarunni kullannitano xawinsino qoqqowu.
Baca dhaggenna doni ayidde ikkinohu Hareri jawu xawishshinna kaimu noosiha ikkasi leellishshanno balchoomma mereerinni Shewaal Id ayyaani mitto ikkasi kulloonni.
Ayyaanu Hareri daganni seeda dirrara ayirrisamanni keeshshinohanna budesinna balchoomasi agarre ilamatenni ilama tareessanni dayino budullaancho ayyaana ikkasi qoqqowu mootimma xawisse; dagannihanna budillaancho ayyaana ikke ayirrisamanno gede qoqqowu amaale mine lallawunnino kaajjinshoonnita egensiinsoonni.
Kuni budillaanchu ayyaani qoqqowoho kaa`lamate, mittimmatenna irkisamate balchooma ikkanno gede baxxinohunnino turizimete handaara kaajjishate ragaanni horosi luphi yitinote.
Qoqqowu mootimma kalqete dona ikkinoha Shewaal Id ayyaana agarate murci’raanchimmatenni loonsannino yitino.
Shewaal Id ayyaani kalqete dona ikke borreessamanno gede qeechansa fultino bissara galata shiqishino.
Jireenyu paarte layinki pirezidaantichi kalaa Adem Farah Shewaal Id ayyaani kalqete donimmatenni borreessamasinni hawalle hagiidhitinoonni sokka sayisino.
Jireenyu illachunni gumuleemmo yee amadino onte latishshu handaarranni turizimete handaari mitto ikkasi paartete layinki pirezidaantichi Adem Farah egensiisino.
Kalaa Adem sayisino sokkanni “Itophiyaho afantanno mannu anganni loosantinonna kalaqamu goshooshubba roorenkanni lophitannonna gobbanke jireenyu harinshora ledote dhuka kalaqa dandiitanno gede paarte addi illacha uyite millissate aana afantanno.
Konni ragaanni Shewaal Id ayyaani halantino mootimmuwa rosu, sayinsetenna budu uurrinsha UNESCO te borreessamasi turizimete handaarinni assineemmo millimmo kaajjitannonna hala`litanno gede assannono yino.
Tini dhaggete mu`ro Hareri quchumi UNESCO te lame donna borreessiissino callicho quchuma assannosiha ikkanna Itophiyu haammata donna kalqete donimmatenni borreessiisatenni Afrikunni umi baycho amaddanno gede assannoseha ikkasi xawisino.
Aanteteno ayyaanu amanyooti roorenkanni biifino garinni sufanno gedenna biinfillu kalqoomu afamishshira ikkanno garinni ha`ranno gede, quchumuno turistootunni dooramaancho iillo ikkanno gede jireenyu paarte gede hala`lado loossa loosanke sunfeemmota tenne hedeweelchonni xawisate baxeemmo yiino.
Abbebech Maatewoos
Bakkalcho Bocaasa 27, 2016 M.D
