Sidaamu Qoqqowi Pirezidaantichi Kalaa Desta Ledamohu Neezerlaandete Ambaasaddercha Heen Jaan Bakarinni massagantino gaamo Borrosi Mine haare hasaawisino.
Pirezidaantichu Qoqqowu Mootimma loossanni nooha latishshu loossa raga Ambaassadderchunni massagantino gaamora xawisinoha ikkanna; qoqqowaho nooha investimentete doorsha gaamote huwachishino. Neezerlaandetenni dagganno dureeyyera qoqqowu mootimma assitanni noo irko kaajjishshe suffanno yiino.
Qoqqowu mootimma saadate ceattonna sircho woyyeessate looso illachiishshe loossanni noota huwachishinoha ikkanna; Neezerlaandete mootimma saadate ceattonni nooha luphiima gade hattono saadate sircho woyyeessa lainohunni irkissanno gede xa`mino.
Ambaasadderchu Heen Jaan Bakari isi widoonni, Neezerlandete Mootimma SNV widoonni baatto loosidhe galtino daga heeshsho woyyeessate hegeraame wolqate paylete looso hanafiisiisse loossanni noota xawise; adotenna lukkote ceatto widoonni qoqqowaho honsu woradiranna lamu quchumu gashshooti giddo loossanni noota kulino. Ambaasaadderchu, qoqqowu mootimma Nezeraalndete dureeyye qoqqowaho investimentete bobbakkanno yannara assitanno kaa`lora galata shiqishino.
Abrahaam Saamueel
Bakkalcho Birra 29, 2016 M.D
