Addis Ababa:- Xaphoomu Ministerichi Abiy Ahimed (Dr) “Gebeta le-tiwulid” biso ikkinoha Ni`iille Palmi Istriinge Looje Pirojekte Affaarete Qoqqowira hanafisiisino. Affaarete Qoqqowira Dubitti
Woradirano arri gorsi qamadete laalchi loosono Xaphoomu Ministerichinni hanafisiinsoonni.
Xaphoomu Ministerichi Abiy Ahimed (Dr), liuukaanete ledo ikke latishshhu loosssa keenatenna arri gorsi qamadate laalchi looso hanafisiisate Affaarete towanyo assino.
Xaphoomu Ministerichi Affaarete Qoqqowira, Dubbiti Woradira afametenni arri gorsi qamadete laalchi looso hanafisiisanni, qarqaraho gorsunni muuzete kaashshi latishshi loosi loosamanni noohano laino. Qoqqowaho, haaro gade ikkinoha gati laalo woy gummaamu irshi loosinni bobbakkinorenna Saada ce`enna gate loosidhe galtino daga Xaphoomu Ministerichi Abiy (dr) towaanyo assino.
Dubbiti Woradira daga 8 kumi heekitaare baatto aana arri gorsi qamadete laalcho laashshate qixxaabbe noota Xaphoomu Ministerichi Borro Mini egensiisino.
Konne diro gobbate deerrinni sase miliyoone heekitaare baatto aana qamadete laalcho loosate mixo amandonnita caakkeessinoonni.
Qara gede Saada ce`atenni egennantinorinna irshu uduunninni irko assate balaxo uynannikkiti Affaarete qoqqowi; tenne yannara gobbate derrinni irshu loosinni qamadete laalcho laashshate hattono Fuuttunna muuzete laalchi loosinni qeechinsa jawa ikkinota kulloonni.
Affaarete Qoqqowi latishshu loossa towaanyo gedenoonni Xaphoomu Ministerichi sufe qoqqowaho Warsiiso Woradira afamanno Beentoniite Shiilo fushshine laashshinanniwa towaanyo assino.
Beentoniite Seeramiketenna kuulaho hattono lawanno laalchi horora hosasi “dhaggete shama bushsha” na “duuchu dani horo noo doru bushsha” yine dhaggeefatatenni kullanni jiro ikkinota towaanyote yannara xawinsoonni.
Abrihaam Saamueel
BakkalchoBirra 22, 2016 M.D
