Addis Ababa:- Gargarooshshu olanto gobbanke ayirrinyi goofimarchu goda ikkasenni gobba agarate gadacho garunni fultanno yino olu wolquwa xaphoomu Itamazhoor Shuume Fild Marshal Birhaanu Jula.
Birra 15 techo ayirrinsanni hee’noonniha 116ki gargarooshshu olanto barra lainohunni qixxeessinoonni qixxaawo aana gobbate gargarooshshu olanto Miidiyu ogeeyyeranna dagoomittete miidiyi baqqeessaanora ayirrinyu miilla assitino.
Tenne yannara dargaho afaminohu olu wolquwa xaphoomu Itaamazhoor shuume fild Maarshal Birhaanu Jula coyi’ranni; gargarooshshu hee’riro gobba didiigantanno; hoogiro ayinni diigantanno. Konniraati daga olanto illete diikkichinsa gede hasidhannohu yino.
Daganke latishshanna farco hasidhanno. Tenne loossa gumulsiissanno uurrinshuwa hee’ransa danchaho, hoogguro kayinni gargarooshshu hee’ri geeshsha gobba didiigantanno yaanni coyi’rino.
Gargarooshshu olanto seerunnite. Yaadihi yannara yekkeersiisabnnonke gargarooshshi mitte paarte godanna paarte diiganturo ledo diigantannota assine hedate qarri no yinohu Fild Marshaalichu; Abiyootete olanto gatamarshu Istiraateeje haarotenni riqiwantinota egensiisino.
Xa olanto baalante daganna dagoomite. Gargarooshsheho yaa gobbate yaate. Tenne naaxxillunni xawisammora dandeemmo; gargarooshshu giddo hiittenne daganna dagoomi ilama miili no. baalunku addi addi afoonna amma’no noonsari gamba yitino uuyyinshaati yaanni xawisino.
Olanto gobbansa agarate wo’manka woyte qixxaabbinote. Wole widoonni gobba heedhannonkekki gede hasidhanno bissa giddoyidi kurkuraanono no yino.
Itophiya laafisatenna diigate gargarooshshe laafisanna diigate yitanno hedo noonsa; Kuri garunni sharrammeemmonsa. Uulla noo halaale affinohanna olanto diigate daggannore gargara hasiissanno yaanni sokkasi sayisino.
Xaa yannara ayirrinyu miilimma afidhinoonniri ogimma’nenni umi’ne kakkaooshshinni assitinoonni baalira galatu hasiisanno’ne yaanni coyi’rino.
Gargarooshshu deerrinni 25 ikkitanno mannootira mitte ba’rera ayirrinyu miilimma uyinoonni yanna dino. Wolootu labbanno baraarshuwa heedhannota egensiisino.
Birra 15 nni ayirrinsanniha 116ki gargarooshshu olanto barra lainohunni qixxeessinoonni qixxaawo aana olu wolquwa xaphoomu Itaamazhoor Shuume Fild Maarshal Birhaanu Julahu ogimmansanni fultino qeechira doorantinorira ayirrinyu miillara Meedaaliyu baraarsha uyino.
Ba’rete aana 25 miidiyu ogeeyyenna dagoomittete miidiyi baqqeessaano hattono dagoomittete miidiyubbara babbaxxino looso loosino mittu daddalaanchi gargarooshshu ayirrinyi miilla ikkitino.
Batinye manna mitte hinge gargarooshshu olanto ayirrinyu miilla assate loosi olantote dhaggenni umi rosicho ikkasi ba’rete aana xawinsoonni.
Qiddist Gezaheny
Bakkalcho Birra 15, 2016 M.D
