Addis Ababa:- Chayinu, Afriku gobbuwa safote latishshi lopho rakkinota ikkitanno gedenna daddalu mittoo’ma bowirtanno gede luphiima qeecha fulino yiino; Xaphoomu ministirchi Abiy Ahimed (Dr.)
Xaphoomu ministirchi Abiy Ahimed (Dr) 3ki Chayinu ‘Belt and Road’ foreme aana afame assino hasaawinni; Chayinu, baxxinohunni ‘‘Belt and Road Initiative’’
yinanni baqqeenyu qixxaawo widoonni haammata Afriku gobbuwa safote latishshi lopho rakkanno gedenna Chayinu ledo nooti daddalu mittoo’ma bowirtanno gede luphiima qeecha fulino yiino.
Afrikunna Chayinu xaadooshshi safote latishsha diriirsatenna daddalu soorro woyyeessate widoonni lowo xeertinye hodhino yiinohu Xaphoomu ministirchi; Chayinunnihu ‘Belt and Road’ yaamaminohu safote latishshi loosi Afrikunni jawaata halammete safo kalaqinota xawisino.
‘‘Belt aand Road’’ yinanni foreme mitteenni lophate massago aana safaminoha jawa kalqoomu halammete kakkaooshshe ikkase qummeesse; Isiya, Awuropanna Afrika xaadisate hasatto nooseta ikkase xawisino.
Kalqoomu daga sarraaqaminonna sufo noo qarri giddo sa’anni afantannota xawise; baxxinohunni diilallote gade soorro, keerunna ga’labbote hajo, luphi yite leeltanno qarrubba ikkansa coyi’rino.
Gobbuwate massagaano wole yannanni aleenni mannihimmate, ledamatenna suwashshimmate hattono shooshanqete massago irkisa hasiissannonsata xawisatenni; gutu qarranke tirate halantino qaafo adhanke mitiimma dandiine sunfeemmo gede kaa’litinonke yiino.
Itophiyu hunditanna dhaggete qajeelle ama, Investimentete injiitinota rahino miinjinna batinye mannu wolqa noose gobba ikkase qummeesse; mereerimu Soojjaatinna Isiyu mereero mittimma kalaqqanno gobbaati yaanni xawisino.
Afriku aantino yannara kalqoomu miinju wolqa noosiha ikkanno gede dandiissannoti wedellu wolqa nooseta xawisinohu Xaphoomu ministirchi; ‘‘Belt and Road Initiative’’ yinanniti kakkaooshshu qixxaawo Afrikaho batinye loosu kaayyo kalaqate widoonni luphiima qeecha fultannota huwachishino.
‘‘Belt and Road’’ yinanni foreme jawa reekkote safote latishshi qixxaawo ikkasenni kaapitaalete latishsha, Teknoloojenna rosicho soorriratenni sufo noo lopho borreessantanno dandiisiisanni noota kayisino.
Ledoteno, foremetenni gumulantino latishshu loossa mereerinni Itiyo-Jibuuti Baaburu safote latishsha lawishshu gede kayisinohu Xaphoomu ministirchi; Baaburu safote latishshi Ahigurete miinju lopho baqqi assitinota xawisino.
Afriku baalanka hanqaffino lopho borreessiisanni afamannota kayisatenni; baalunku ragi bare hanqafaanchimma buuxisa Ahigurete qara ikkase xawisino.
Qiddist Gezzaheny
Bakkalcho Birra 8, 2016 M.D
