Bayira hexxo tungoonniti bayriidi Itophiyu haaroo`mate kofo shoolki way wonsha lamalate giddo gumulloonniti qangannite.
Haaroo`mate kofo shoolki way wonsha amuraate xaphoomu ministircho Abiy Ahimed (D/r) lede luphiima mootimmate loosu sooreeyye afantinowa dudubbino. Basete afantino luphiima mootimmate loosu sooreeyyera xawishsha uyinohu bayriidi Itophiyu haaroo`mate kofo loosu harisaanchi injiiner Kifile Horo Itophiyu haaroo`mate kofo gatamaarshi goofanni noota xawisino.
Kofo, guraanni, qiniitichonna mereerimu bisi nooseta coyi`rinohu injiiner Kifile; guraanninna qiniiticho kofote kifile 635- 645 deerra ikkannotaati coyi`rinohu. Gurachonna qiniiticho kifile gudate 9-10 meetire geeshsha calla hasiisannotano egensiisino.
Kofattonnita mereerimu kifile gudate qole 20 meetire gattannotano xawisino. Mittu diri gedensaanni kofattote mereerimu kifile gooffannota egensiisino. Gatanno loosi gurachonna qiniiticho kofattote kifile xaadisanno buusu looso ikkinotano kaysino. Shoole aganna gedensaanni kofattonniti gurachonna qiniiticho kifile 645 aana iilla dandiitannota egensiisino.
Kofattote elektiro mekaanikaale qansanni hee`noonnita egensiisinohu injiiner Kifile; kofatto xaa yannara lame yuuniitubbanni burqissanni afantannotanna 2016 M.D ledote onte yuuniitubba loosu giddora eessate loonsanni hee`noonnita xawisino. Haaru dirinni haaroo`mate kofo xaphooma lamala yuuniitubba heedhannoseta agarranni.
Abbebech Maatewoos
Bakkalcho Wocawaaro 3, 2016 M.D
