-20 miliyoone ale ikkitanno wedelli dancha fajjo owaante loosi aana beeqqitino
Addis Ababa:- 2015M.D hawadi yanna giddo haammata loossa loonsoonnita xawinsoonni. Tenne hawadi yanna giddo calla 6.8 biliyoone chigginye kaansoonni. 20 miliyoone ale ikkitanno wedelli dancha fajjo owaante loosi aana beeqqaano ikkitino. 70 kumi ale ikkitanno anga ajjino daga mine haaroonsinanni hee`noonnita qummeessinoonni.
«Hawadu jawaantilli diru latishshira” yaanno uminni Haaru balchoomi (የአዲስ ወግ) hasaawu battala Xaphoomu ministirchi Borro Mine hasaawa assinoonni.
Xaphoomu ministirchi Borro Mini Sooreetenna Kaabinete Hajo Ministircho Dukko Alemtsehay Phaawuloos coyidhanni; tayxe hawado haanju haruminni, dancha fajjo owaantenninna maatete Jireenyi pirogiraamenni roso adha dandiinanni gummaamma loossa loonsoonni.
Haanju haruminni 6.8 biliyoone chigginye kaansoonnita xawissinoti Dukko Alemtsehay; 20 miliyoone ale ikkitanno wedelli gobbate deerrinni bobbakke 70 kumi ale anga ajjino daga minna haaroonsitanni noota xawissino.
Sa`uta shoole dirrara haanju haruminni 25 biliyoone ali chigginye kaansoonnita Dukko Alemtsehay qaagiissite; tayxe hawadono mittu barrinni 566 miliyoone ali chigginye kaansoonniti gobbate gede jawa seyoo ikkitinota caakkeessitino.
Itophiyu daga timbiliqqe fulatenni xeenunna qiidu hoolinsakkinni qooxeesinsara chigginye kaasatenni, mootimma mixidhino mixo gumula dandiinoonni yitinoti Ministircho; haanju haruminni leellinshoonni kakkaooshshenna beeqqo sufisatenni Jireenya buuxisiisa hasiissannota coyidhino.
Dancha fajjo owaante uytanno qansooti kiiro diru dirunkunni lexxanni daynota xawisse; 2015M.D 20 miliyone ale ikkitanno wedelli qoqqowubbate dancha fajjo owaante uytanni afantannota egensiissino.
Wedellu qooxeessu co`ichimmanni, keeru ijaarinni, mundee aatenni, tiraafikete dano gargaratenni, rosaano rosiisatenni, hurbaate beehatenninna anga ajjino daga minna haaroonsatenni beeqqaano ikkitanni noota huwachishshino.
Sa`u shoole dirrarano 160 kumi ali anga ajjino daga minna haaroonsate looso loonsoonnita kayisse; tayxe dirono 70 kumi ali anga ajjino daga minna haaroonsinanni hee`noonnita xawissino. Dancha fajjo owaante Itophiyaho mimmitu ledo kaa`lamatenni, halamatenni illete leellanno guma leellishino looso ikkinota coyidhino.
Haanju harumi tekiniikete gambisaanchi Adefirisi Worqu (Dr) isi widoonni; haanju harumi Itophiyaho haanja uddano uddisiisate hajo ikkinota xawise; sagaletenni umonke dandaate assinanni wo`naalshira badhete miqichooti yiino. Baxxinohunni, laalchona laalchimma lossate, waanna bushsha agarte loosi balaxo uyne loonsanni looso ikkinota huwachishino.
Ledoteno, hallanya handaarra dancha fajjo owaante aana beeqqaano ikkite loosa noonsatano coyi`rinohu Midirooki Investimente Gaamo Qaru Loosu Gumulsioisaanchi Kalaa Jemaal Ahimedi; Itophiyaho qarru giddo noo qansooti heeshsho soorrate assinanni wo`naalshira hallanya handaarra beeqqo lowontanni asiissannota coyi`rino. Baxxinohunni, dagoomu qeechansa fultanni noo hallanya uurrinshuwara insa jawaachishate afamishshunna kakkaooshshu hayyo kalaqa hasiissannota qummeessino.
Abrahaam Saamueel
Bakkalcho Woxawaajje 18, 2015 M.D
