Sidaamu qoqqowira sa’u onte aganna giddo wedella loosu kaayyo horaameeyye assate amandoonni mixonni guma maareekkisiisa dandiinoonnita qoqqowu loosu, dandootenna Interpirayizete latishshi biiro xawissu. Biiro 2015 baajeettete diri loosu jeefishshi riipoorte zoonnatenna woraddate handaaru massagaano afantinowa shiqishsheenna hasaawa assinoonni.
Barete aana leellinohu Sidaamu qoqqowi layinki pirezidaantichinna Rosu biiro sooreessi kalaa Bayyani Baraasihu assino hasaawinni; qansootaho loosu kaayyo kalaqa balaxo uyine loonsanni hajo ikkase coyi’re handaaraho dancha guma borreessiinsoonniha ikkirono sa’u yannara leeltino foonqe taashshine aantete addi addi doorshuwa horonsita’ratenni gummaamo looso loosa agarantannota xawisino.
Qoqqowu loosu, dandootenna Interpirayizootu latishshi biiro sooreette dukko Hageretsiyon Abbebeti ise widoonni; Hawadi Onte aganna giddo wedella addi addi loosu handaarranni horaameeyye assate mixi’ne loonsanni keeshshinoonniha ikkanna sa’u sase aganna giddo woyyaawino guma borreessiisa dandiioonni yitinno.
Sooreette ledotenni loosu kaayyo kalaqonni, Liqoo aatenna qolsiisate hattono loosu base shiqishate widoonni haammata woradda dancha guma borreessiissinoha ikkirono woffi yitino gumulo borreessiissino woraddanna quchumu gashshootta xaaddanno mitiimmubba aana tirote qaafo adhatenni noo doirsha baalanka co’oassite horonsiratenni loosa agarantannonsata huwachishshino.
Bakkalcho Maaja 27 , 2015 M.D
