Addisi Ababa:- Affaaretenna Tigirayete qoqqowubbara billaalle noohu kanchafaru leellanni noo daafira bati’ranni daye gidu aana gawajjo iillishanokki gede balanxe gargarate looso loonsanni hee`noonni yaatenni Giwirinnu Ministeere egensiisino.
Giwirinnu Ministeere Haqqu Agarooshshi Massagoote Loosi Gumulsisaanchi Kalaa Belayneh Nugusehu Itophiyu Pireeste uurrinshara xawisinonte gede, 2015/16 M.D goyrete loosi yannara Affaaretenna Tigirayete qoqqowira assinoonni kanchafaru illaallshshu xiinxallote loosinni billaalinohu kanchafari qalame bati’re gidu aana gawajjo iillishikkinni harunsotenna qorqorshu looso loonsanni hee`noonni.
Affaretenna Tigirayete qoqqowira leellinohu billaalino kanchafiri haayissotenna laalanni noo gidi aana gawajjo iillishannoha dikkino yiinohu Loosu Gumulsiisaanchi; leellino kanchafari qalame bati’re gidu aana gawajjo iillishikkinni wole qoqqowubbarano saikkinni babbaxxino looso loonsanni hee`noonni yiino.
Affarenna Tigirayete hawadu yannara kanchafaru qalamanno qoqqowubba ikkitanna; gobbate danni qarqariranna babbaxxitno qoqqowubbara Amaarahonna Somaalete kalaqamara dandaanno yitanno hedo noota xawisino.
Kanchafaru kalaqamara dandaanno baychi aana illaallishshu xiinxallonna harunso assinanni hee`noonni. Kalaqamannoha ikkiro kalaqamino baycho kemikaale kiinfe gidu aana gawajjo iillitannokki gede huna dandiitannoti mannu wolqanna wo`mu uduunni noota huwachishino.
Uurrinsha lamente qoqowubbara leellinoha kanchafaru malaati abbanno bidhato hedote giddo worre looso loonsanni hee`noonni. Kalaqantannoti kanchafaru uwa laalanni noo gidi aana gawajjo iillishannokki gedenna iillishshanno gawajjo ajishate mixo amande loonsanni hee`noonni.
Olluu gobbuwanni ninke gobbara eanno kanchafare giddora eikkinni ittisaatenna gidu aana gawajjo iillishannokki gede assate babbaxxino looso loonsanni hee`noonni. Tigirayetenna Affaarete qoqqowira kalaqaminoha billaallino kanchafare gargarate Giwirinnu Ministeerenna qoqqowubbatenni fultino onte gaamonni tantanantino mannu wolqa kanchafaru kalaqamino baycho sonkoonnita xawise; sonkoonni gaamo harunsonna qorqorate looso loossanni noota buuxisino.
Dagano deantukkkinni barru baala loosidhino gide towaata noonsata huwachishe, wolu gidu da`muulichi nafa kalaqamanno yannara qarqaraho noo giwirinnu ogeeyyera leellishatenni hasiissanno qoropho assa hasiissannonsata caakkeessino. Kalaa Abbaayne lede, tayxehu gobbate noohu diilallote gadi gidu aana waagete dhibba abbannoha ikkanno daafira, dagoomu hasiissanno qoropho assa hasiissannosita qaagiissino.
Abrahaam Saamueel
Bakkalcho Maaja 27 , 2015 M.D
