Addis Ababa:- Amaaru qoqqowi 2016 baajeettete dirira 137 biliyoone 408 miliyoone 472 kume 187 birra xaphooma baajeette asse kaajjishino. Qoqqowu amaale mini 6ki doycho 2ki loosu diri 6ki uurrinshu songo sa’u muli barrubba giddo harisatenni qoqqowunnita 2016 baajeettete diri xaphooma baajeettenna babbaxxitino mootoonshe kaajjishino.
Songoteno qoqqowunnita 2016M.D xaphooma baajeetteno 137 biliyoone 408 miliyoone 472 kume 187 birra kaajjinshoonniha ikkanna; baajeettete Bueno giwirunna giwiru gobbaanni ikkitino eonni gamba assinannita hattono Federaalete mootimmawinni afi’nanni irkonni ikkasi Qoqqowu Woxu Biiro Sooreessi Dr. Xilahun Mehaari xawisino.
2016 xaphooma baajeette giddonni 89 biliyoone 279 miliyoone 467 kumi birri qoqqowu giddo eonni gamba assinanniha ikkanna; 44 biliyoone 519 miliyoone 851 kumi birri Federaalete mootimma irkonni afi’nanniho. 3 biliyoone 24 miliyoone ikkannohu kayinni sufino latishshi tino gumulsiisate Federaalete mootimma irkonni hattono 585 miliyoone 153 kumi 208 ikkanno birri gobbaydi kaa’lonni afi’nanniha ikkasino Qoqqowu Woxu Biiro Sooreessi lede xawisino.
Gaammoonni baajeette 2015 aajeettete dirite ledo heewinsiro 42 biliyoone 88 miliyoone 352 kuminna 585 birri lopho noota leellishanno yiino Sooreessu. Dr. Xilahuni lede xawisanni; hiikkuno womaashshu amanyooti xambenna xa’mamaanchimma noosi garinni baajeette massagate dandiinanni garinni qoqqowu mootimma adhitanni noo qaafo aananno baajeettete dirinni kaajjinshe sufisiisatenni baajeette hasiisanno illachira hosiisate loonsannitano coyi’rino
Amaalete mini Kalaa Abdu Huseeni Aantaancho pirezidaaantichi ba’lattonni Amaaru Qoqqowi Miinju Kilaastere Qineessaancho assine mootoonsinoha ikkanna; woloottano mootimmate loosu massagaanonna yooaanono mootoonsino.
Amadisiisantino odoonni, Somaalete qoqqowi amaale minino 2016 baajeettete dirira 38.4 biliyoone ale birra baajeette kaajjishino. Baajeette qoqqowoho giwirenna giwire ikkitinokki eote buenni gamba assinannitanna Federaalete mootimma irkonni afi’nannita ikkaseno Qoqqowu Woxu Biiro Sooreessi kalaa Abdurahimaan Ahimedi xawisino.
Gaazeexu Odeessaanchinni
Bakkalcho Maaja 20 , 2015 M.D
