Addis Ababa:– Itophiyaho 6.8 miliyoone hekitaare baatto gorsunni latisa dandiinanniha ikkirono; xaa yannara kayinni lattanni nooti 1.3 miliyoone hekitaare baatto calla ikkitinota Gorsunna Gammoojje Qooxeessi Ministere egensiissu.
Ministere gorsu loosi aana Kalqete baanke woxu irkonni loonsoonnita xiinxallote borrono sa’u muli barrubba giddo faajje assitino. IFDR Gorsunna Gammoojje Qooxeessi Ministircho Injiner Ayisha Mehaammed xawissino garinni; faajje assinoonni xiinxallo gorsu loossa ragaanni leeltino xe’ne leellishatenni handaaru roorenka gummaamo ikkino garinni loosamanno gede kaa’litanno.
Itophiyaho 6.8 miliyoone hekitaare baatto gorsunni latisa dandiinanniha ikkirono; xaa yannara lattanni nooti kayinni 1.3 miliyoone hekitaare sa’inokkita ikkase xawissino. Konni giddonni xibbuunni 70% ikkitanno baattono baadillitte gorsu hayyonni lattannota egensiissino. Albillichono yannitte tekinooloje horoonsi’ratenni gorsu latishsha halashshatenna laalchimma lossate loonsannitano hattonni.
Gorsunna Gammoojje Qooxeessi Ministere Kalqoomu baanke woxu irkonni Itophiyu nooseha gorsu dhuka; xaa yannara noo akatanna xaphooma tajubba hattono pooliste raga worate ikkitanno hajubba aana illachishshinota xiinxallote borro faajje assitino.
Amsaalu Felleqe
Bakkalcho Maaja 20 , 2015 M.D
