Addis Ababa:- Xaphoomu ministirchi Dokiter Abiy Ahimed Addis Ababaho Shegole qooxeessira ijaarroonniha Haaro EBC miidiyu kompileekise maassi’re fanino. Xaphoomu ministirchi fanote aana assino hasaawinni EBC huuro sayisannoha ikkikkinni huuro kalaqannoha ikka agarantannosi yiino.
EBC mootimmate calla ikkikkinni qarunni dagate huuro ikka noosi yiinohu xaphoomu ministirchi; miidiyu kalqe soorritanno qara uduunnubbannimereerinni mitto ikkasi gede, gobbankeno handaarunni soorrantara EBC jawu qeechi noosita buuxisino. Yannaasinchu miidiyu kompileekise uurrinshi Afrikaho saeno kalqoomu deerrinni heewisamaancho ikkanno gede dandiisannosi yinoonni.
Haaru miidiyu kompileekise kalqe iillitino miidiyu tekinoloojenni tantanantino istuudiyubba noosiha ikkanna EBC “Itophiyu bayirroonyira” yaanno massagote qaalinni baalante doorshubbanni haruudde amadubbanna qixxaawubba karse macciishshaanotenna da“aataanote iillate qixxaawosi jeefisinotano xawinsoonni.
Abbebech Maatewoos
Bakkalcho Ella 29, 2015 M.D
