Qiddist Gezzaheny
Addis Ababa:- Xaphoomu ministirchi Dr Abiy Ahimed ‘’Addis Alem womaashshu sumimme gambooshshi’’ aana assino hasaawi gummaamoho; yitino Mootimmate xaadooshshi owaante.
Ledonniha bushshu harishsha hogobbino Yowolo Jibuuti iillansanna rahotenni Itophiya hodhitanni noota xawishshunni kultino.
Mootimmate xaadooshshi owaante ministir Dieetitte Selaamaawit Kaasa uytino xawishshinni; Xaphoomu ministirchi Dr Abiy Ahimedinna gaamosi ‘’Addis Alem womaashshu sumimme gambooshshi’’ aana assitino hasaawinni babbaxxitino gobbuwa massagaanonna kalqoomu uurrinshuwa ledo gummaamo hasaawa assitino.
Konninni, Xaphoomu ministirchi ‘‘Kalqoomu womaashshu uurrinshuwa lophitanni noo gobbuwara xaaddanni noota womaashshu xiiwonna asale baatate xiiwo hedote giddo wortino woyyaambe assitara hasiisanno’ yite; womaashshu uurrinshuwa diilallote gade soorro gargarate qaale e’ino irko gumultara hasiisanno’’ yaansa Minister Dieetitte xawissino.
Kalqoomu uurrinshuwa Itophiyu haanju latishshi aana gumultanni afantanno loosi wo’mante kaqera kaa’lannoho. Konni daafira uurrinshuwa konneno irkissara hasiisanno yaanni Xaphoomu minsitirchi xawisino yitinoti Ministir Dieetitte; Xaphoomu ministirchi gambooshsheho qoteho babbaxxitino gobbuwanna kalqoomu uurrinshuwa ledo gobboomunna Ahigurete hajubba aana hasaawa assasinna assinoonni hasaawi gummaamo ikkinota xawissino.
Wole widoonni, Badheessu loosinni Amaaru, Oromote, Sidaamu, Wodiidi, Wodiidi Galchimi Itophiyi qoqqowubbara xaphoomunni 2.4 miliyoone hektaare baatto aana latisate mixi’ne Ella 11/2015M.D geeshsha noo mashalaqqenni 2.6 Miliyoone hektaare baatto latinsoonni.
Konni giddonni 2.6 miliyoone ikkitanno baatto wixunni diwantino yitinoti Ministr Dieetitte; roore anga wixu Qamade, Badala, Hayxenna Bashanqa ikkinota xawissino. Goyirete loosi qixxaawo Ella 29/2015M.D geeshsha noo mashalaqqenni 11 miliyoone hektaare baatto qixxaabbinoha ikkanna; konni giddonni 2.8 miliyoone ikkitanno baatto wixunni diwantino. Qasiisotenni 4.2 hektaare baatto wixunni diwantinota egensiissino.
Ministir Dieetittete xawishshi garinni; bushshu harishshi anje gatisate mootimma 2015M.D 1.8 Miliyoone Meetrik Toone bushshu harishsha hirtinoha ikkanna konni giddonni 669 kume Metric Toone ale ikkannohu bushshu harishshi gobbate giddora eino. Kunino sai diro einohu ledo heewisiinsanni woyte 879 kume Metric Toone ale ikkanno.
Konni giddonni 842 kume Metric Toone bushshu harishsha mittimmate loosi maamarrara bebbeenkanna loosidhe galtino dagawa iillinohu 706 kume Metric Toone ikkannoho. 172 kume Metric Toone bushshu harishsha bebbeenkanni hee’noonni.
Konninni ledote, bushshu harishsha hogobbino Yowolo Jibuuti iillitino. Kunino rahotenni Itophiya eanni nooha ikkanna; konninni, yanna sa’ukkinni rahotenni loosidhe galtinorira bebbeenkanni gede luphiima looso loonsanni hee’noonni.
Bushshu harishsha iillishate aana mite mite basera annimma xe’ino harinsho leeltino. Kuri bissa seeru fajjanno garinni qorichishantanni afantanno. Mootimmano kaajjishshe suffannoha ikkanno yaatenni egensiissino.
Bakkalcho Ella 22, 2015
