Abbebech Maatewoos
Addis Ababa:- Haaro “Abbay 2” Yowolo lamenti nadaaje hogobbanno Yowolubbanni iillanni keeshshino kisaara gatisa dandiissannota Itophiyu baaru hodishshanna lojestiikise egensiissu. Barrunni 11 kume doolaare tirfe eo afisiissannota ikkaseno xawinsoonni.
Itophiyu baaru hodhishshanna lojistiikisete korporeetete komunikeeshiine biddishshi sooreessi kalaa Demsewu Benti Itophiyu pireesete uurrinshara xawisino garinni; haaru “Abbay 2” Yowolo konni albaanni nadaaje hogobbanno Yowolubbanni iillanni keeshshino kisaara gatisa dandiisanno. Haaro Yowolo barrunni 11 kume doolaare tirfe eo uurrinshate afisiissannoha ikkasinni 60 barrubbannino 660 kume Ameeriku doolaare eo afisiissannota xawisino.
Kalaa Demsewu xawishshi garinni; Bahirdaarenna Hawaasa yaamantannoti lame nadaaje hogobbanno Yowolubba 11 dirrara albaanni gobbate nadaaje hogobbanno gede hende hidhinoonnireeti. Kuri Yowolubbano uurrinshate dhaggenni umiha ikkinohunni 63 kume 500 toone hogowate dhuki noose jawa Yowolonni yekkeerotenni soorrinoonni.
“Abbay 2” yaamantannoti jawa Yowolo uurrinsha Yowolote kirira fushshitanni keeshshitino fulo gatissanno yiinohu kalaa Demsewu; bushshu maddaabbari hogowo gumulate kaa`lannoho. Yowolo loosu giddora eatenni uurrinshu horaameessimma buuxisiisate aana afantannota coyi`rino.
Lamenta albi Yowolubba “Abbay 2nni” soorrate gadachishshino hajubba mereero gobbayidi nadaaje shiqishshanno uurrinshuwa nadaaje hogobbanno lamenta Yowolubbanni horonsi`rate giwansanni kainohunni ikkasi qummi asse; Yowolubba wolootta uurrinshuwara kirunni loossanno assate wo`naalloonniha ikkirono hasi`nanni guma abba dandiinoonnikkita coyi`rino.
Bakkalcho Ella 15, 2015 M.D
