Abrahaam Saamueel
Ministirootu Amaale Mini harisino 21ki uurrinshu songonni 2016 baajeetete diro Federaalete Mootimma baajeettete lallawi aana torbe gumulo saayisino.
Federaalete Mootimma 2016 baajettete diro tonnu massagote diri latishshu mixo aana ofoshshiinshoonni mixo kaima asse, gobbate hobbaate agarsiiisate, kalaqamunna mannu loosino danote qarri korkaatinni darantino qansoota irkisate widoonni, seera agarsiisate gaadi yannara ba”ino miinjanna xintu latishsha wirro uurrisate, albillicho hee`ranno yine hendanniha dagoomunna miinju haaroonshi aana illacha assine loonsoonni looso gumaamo assate widoonni assinoonni hixamanyhimma ikkanna, 2016- 2020 mereerimu diro maakirote miinjanna Fiisikaalete hanqafo kaima assineenna qixxeessinoonni mixo shiqqinote aana hasaawa assino.
Konni kaiminni 2016 baajettete diro, Federaalete Mootimmara uurrinshu fulote woxi 369.6 biliyoone, Kaapitaalete fulora woxe 203.9 biliyoone, qoqqowubbate uynanni irko woxe 214.07 biliyoone, hegeraamu latishshira hosanno woxe 14 biliyoone xaphoomunni 801.65 biliyoone ikke Ministirootu Amaalete Minira shiqino.
Amaalete Mini, shiqqinota Federaalete Mootimma 2016 baajettete mixo lallawi aana halashshe hasaawi gedensaanni lendannire lede baajeete kaajjitanno gede Dagate Riqiwamaano Amaale Minira shiqqanno gede wo`ma huuronni gummuulloonni.
Bakkalcho Ella 1, 2015 M.D
