Addisi Ababa:- Addisi Ababu Quchumira loonsanniti xintu latishhsuwa haanju latishshi looso mereersitinota ikkitinota Qaru Loosu Harisaanchi xawisino. Addisi Ababu Quchumi haanju harumi latishshi dubbu diwo 4 xibbunni noowiinni 15% widira luphi yiino.
Layinki kantiwi Deerrinni Addisi Ababu Quchumi Qaru Loosu Harisaanchi Kalaa Xiraatu Beyyenehu sau lamalara giwirinnu saayinse reqecco towaati yanara, soorrote kawa sau dirrara Itophiyu Afirikaho lawishsha ikkanno gedee looso loonsoonni; Baxxinohunni, Addisi Ababaho addi addi xintu latishsha loonsanni yannara haanju harumi latishsha mereersino looso loonsanni heenoonnita qummeessino.
Kunino illete leellanno gumi daynota xawisino. Kalqamu jironna mannu wolqa garunni horoonsiratenni qansoota baala loosu widira eessate dandiiniro, Itophiyu shiima yanna giddo jiraameessa ikkannota Qaru Loosu Gumulsaanchi Kalaa Xiraatu Bayyanihu coyrino.
Xaphoomu Ministerichi Abiy Ahimedihu kakkaaseenna hananfoonniti haanju harumi pirogiraame loosi konne leellishannota kule, sau hoodeessitino shoole dirra kawa loonsoonni loosi gobbatenna kalqete deerinni loonsoonni loosinni kalqe farcidhanni noo; Itophiyu soorrame lophannota haanju harumi loosi leellishanno.
Addisi Ababu noosiha haanju haruminni latino dubbi widira sau dirrara illachiinshe loosa hoongoonni daafira dubbu diwo xibbunni shoole anga ajjanni daggino; Konnira loonsannihu xintu latishshi dubbo gawajjanno garinni ikkinota kulatenni. Quchammate deerrinni ajanna 30 xibbunni quchumu halalinyi haanju haruminni beeshsha dandiinannita qummeessino.
Kuni teessaano fooliishshidhanno baycho, xalala diilallo afirate hattono kalaqamu ledo fiixoomino quchumi heeranno gede assaate looso loonsanni heennoonita caakkeessino. Qaru loosu gumulsiisaanchi Kalaa Xiraatu yiinonte gede, paarkenna doogga lende xaa yannara loonsannihu xintu latishshi haanja haruma mereersinohoa ikka noosita xawisino.
Shoolu diri giddo haanju harumi loosi Addis Ababu quchumi giddo miliyoonete kiirranni chiginnye kaasatenni xibbunni shoole anga callu noo dubbo 15 xibbu widira dubbu diwo lossa dandiinoonni. Kuni shiimu diri giddo loonseenna daggino soorrooti.
Wole widoonni quchumunna giwirinnu looso tekinoolojetenni irkisamanno gede assate noonke baattonna waa garunni horoonsine jiro abbanna lopha dandiinanni yaannoha hedote giddo worre quchumu deerrinni sau lame dirranni hananfe jawa millmmo giddora enoommo yiino.
Quchummu giddo laalcho laashshnikkinni konni albaanni geexaanote maammari callu quuphe, ado, giwirinnu laaalchi daga ayyaana ikka hoogiro afidhanokki deerri giddo noota xawise, konne soorrate baxxinohunni sau lame dirrara loonsoonni loosinii illete leellino gumi noota coyrino. Xaphoomu Ministerichi Dr Abiy Ahimedihu kakkaseenna hananfoonnihu quchumu giwirinnu loosi xaa yannara danchu gumi leellanni no.
“Sagaleya gatiyanni” yaanno hedonni hananfoonni millimmo mittu mittunka quchumu teessaanchi qooxeessisira noo shiimu baaychira tekinoolooje horoonisirre gati laalcho laashshatenni ajanna umisi maate hasidhannoha wonsha dandaanno gedii looso loonsanni heenoonnita huwachishino.
Bakkalcho Onkoleessa 17, 2015 M.D
