Qiddist Gezaheny
Kalqete dona ikkite UNECKOte boreessantino addi addi budu donnanke ayimmanke xawishshanna gutu jironke ikkitino daafira garunni amande aantino ilamara tareessa hasiissannonke yiino budunna Ispoortete ministere ministirchi kalaa Qejeela Merdaasa. Ministirchu tenne coyi’rinohu sa’u lamalara Sidaamu daga diru soorro Fichee Cambalaallate ayyaana Addis Abebu quchumira ayirrinsi yannaraati.
Ministirchu hasaawisinni; Itophiyu batinye daganna dagoomi gobbaati; Fichee Cambalaallanna woloottu labbinori budu amanyootta gamba yiteeti Itophiya Itophiya assitinnori. Konni daafira budu mittu qoqqowiranna qooxeessira agurranniha ikkikkinni gutu jironke ikkino daafira mittimmatenni ayirrinsammoranna agarooshshe assinammora hasiisanno yino.
Ledoteno konne giddosi jawa amado noosiha budillaancho amanyoote garunni amaddenna amuraatesi agarte tenne ilamara iillishshino albi annuwira galatu hasiisannonsata coyi’rino.Ayyaanu aana afantinoti Addis Ababu quchumi kantiiba dukko Adaanech Abeebeti assitino hasaawinni; Itophiya kalqete egensiissino jajjabba budu donna mereerinni Fichee Cambalaalla mittete; fichee cambalaallate ayyaani mitteenni agarre ilamate sayinsummoro gutu jironkeeti; jiro ikkaseno loosunni buuxisa noonke yitinno.
Mixotenna latishshu komishiine ministircho dokter Fitsum Asaffiti ise widoonni; Fichee Cambalaallannihu jawiidi hornyi baxille, mittimma, heellichonna irko ikkara dandaanno uduunnichooti. Ayyaanu Sidaamu dagaha calla di ikkino; gobba kaajjishara, uurrisaranna xaa yannara gobba afantanno akatinni fushshara dandaanno balchooma giddos amaddinota ikkasenni garunni horonsi’nammora hasiisannota huwachishshino.
Fichee Cambalaallate ayyaana sa’u lamalara Addis Abebu quchumira Jaaloomu Paarkera federaaletenna qoqqowunni koyisantinori jajjabbu mootimmate loosu sooreeyye, gobbate geerrinna koyisantino wosinna afantinowa iibbadu amanyootinni ayirrinsoonniti qaangannite.
Bakkalcho Onkoleessa 10, 2015 M.D
