Yaareed geetaachew
Sidaamu qoqqowi Onkoleessa 1/1015MD hanafe Nadaajete dikko Dijitaale dikki’rate doorshinni aa hanafinnota qoqqowu daddalunna dikkote latishshi biiro egensiissu.
Sidaamu qoqqowinna Hawaasi quchumi gashshooti hattono Itiyo-telekoomenna daddalu baanke mittimma tantanamatenni qoqqowoho wo’munni wo’ma Nadaajete dikko dijitaale hayyonni aa hanaffinota qoqqowu Daddalunna dikkote latishshi biiro dagate xaadooshshi dayikitoreete dayirekiterichi kalaa Woxe Toshe baxxinohunni Itophiyu pireesete uurrinshara xawisino.
Sooreessu xawisino garinni elekitiroonikisete dikki’ra wo’munni wo’ma qoqqowoho afantanno Nadaaje beenkanni uurrinshuwara hananfoonniha ikkanna,konni albaanni birra angate uyine hiidhatenna hirate hayyo bainchu loosira tuncu assate gobbaanni,yanna ittannote. Konni daafira xa hananfoonni dijitaale dikki’rate hayyo lame sasenta horo amaddinote yiino.
Kalaa Woxe Toshehu xawishshi garinni; qoqqowoho afantanno Nadaajete beehaachi uurrinshuwa wo’munni wo’ma nadaaje dijitaale hayyonni calla hirantanno gede baadiyyete afantanno uurrinshuwara daddalu baankenna Itiyo telekoome,hattono hajo la’annonsa ogeeyye wo’naalshunni hanaffe huwanyo cu’mishiishshanni keeshshitino.
Addisa ababaho dijitaale dikki’rate hayyo hananfi yannara leeltino hayyote lifinxe anje owaatamaano tulteessitannokki gede rosicho adhinoommo yiinohu kalaa woxe;mitte tultaambe nookkiha qoqqowoho nadaajete dikko wo’munni wo’ma dijitaale assinoonnita buuxisino. Tini hayyo tultaambenna awaawursha gatisatennisa’e yannaasinchonna isilancho dikki’rate hayyo ikkase jawaatu waatinni adhinannita ikkase dagate huwanyo cu’mishiinshanni hee’noonnitano qummeessino.
Bakkalcho Onkoleessa 3, 2015 M.D
