Abbebech Maatewoos
Oromiyu qoqqowira noota kipho hunatenni keere abbate illachishinohunna Tanzaaniyaho harinsanni keeshinoonnihu keeru hasaawi umi gafi techo jeefinota mootimma egensiissu.
Mootimmate komunikeeshiine owaante fushshitino xawishshinni; hasaawu batinyunni eewaancho garinni gumulaminoha ikkirono;mite mite hajubba aana kayinni konni hasaawu gafinni sumuummete aana iillate didandiinoonni yitino.
Kipho sufotenninna keeraancho doogonni uurrisate dandaamanno gede lamenti bissa keeru hasaawi sufinoha ikka hasiissannota ikkase aana sumuu yitino yaanno xawishshu.Itophiyu bayiriidi seerinna xaa geeshsha massagamanni keeshshino kaimu wodhubba garinni kipho keeru doogonni tirate mootimma kaajjado uurrinsha noosetano xawinsoonni.
Konne dancha tunceessanna hasaawunni qarrubba tidhinannita dancha hanafo horonsi’ratenni hajo gumulo afidhanno gede Itophiyu mootimma nooseta kaajjado uurrinsha wirro buuxissanno yitino owaante xawishshisenni. Keeru hasaawa injeessitinoriranna qixxeessitino bissara IFDR mootimma galata shiqishshino.
Bakkalcho Dotteessa 26, 2015 M.D Hamuse
