Dagate riqiwamaano amaale mini oyimbarra harisano 6ki uurrinshu gambooshshinni shiqqinosita 2017 baajeettete dirinni federaalete mootimma ledote 582 biliyoone birra baajeette kaajjishino.
Ledote baajeette asalu baatooshshira, dagoomitte irkoranna aganu damoozi lexxora hossanno yinoonni.
Ledote baajeette hedo lainohunni amaalete mini miillanni kaino xamubbara woxu ministirchi Ahimed Shide uyno dawaronninna xawishshinni; kaajjinshoonni baajeette waagu lexxo qoqorate ragaanni lowo geeshsha kaalanno looso loonsoonnita buuxisino.
Loosamino loosi lowontanni hasiisannonna yannanniha ikkinotano xawisino.
Ledoteno kalaa Haaji Ibsaaniha federaalete qara odiiter layinki qara odiitere assine mootoonsinoonni.
Itophiyu farcinoonninsa shallagote hedo ogeeyye inistitiyuute uurrinsanni lallawa uurrinshu komitera massagino.
Abbebech Maatewoos
Bakkalcho Bocaasa 19, 2017 M.D
