Qiddist Gezzaheny
Addis Abeba:- “Qaale, looso, ilama” yaanno uminni xaphoomu ministirchi borro mini qixxeessonni 6 barrubbara keeshshitannota maxaaffate leellisho Abrihooti nabbambanni mine fannoonni. Leellishote aana Abrihooti nabbambanni mine uurrinshunniha “xaphoomu ministirchi nabbambanni mine” faajje assinoonni.
“Xaphoomu ministirchi nabbambanni mini” aana gobboomu soorro harunsine xaphoomu ministirchi dokter Abiy Ahimed biilloonye amadi yannanni kayise nabbawate qixxeessino maxaaffa shiqqino. Abrihooti qixxeessinoonniti maxaaffate leellisho Dotteessa 24 – 29, 2015 M.D geeshsha 6 aantino barrubbara keeshshitannoha ikkanno..
“ Qaale, looso, ilama” yaanno massagote qaalinni fannoonniti maxaaffate leellisho nabbawate bude boworsi’ra illacha assitinota ikkase kulloonni. Leellisho lainohunni “dhagge ilamate amande sayisa” yaanno uminni hasaawu ba’re harinsoonni. Hasaawu ba’re aana dhagge garunni amada ilamate gatamarshira luphiima ikkase hedo shiqishshinorinni kayinsoonni.
Hasaawu ba’rera qoteho xaphoomu ministirchi borro mininni qixxaabbino attamonna xaphoomu ministirchi dokter Abiy Ahimedihu borrote loossa leellishshannota maxaafu leellisho fannoonni. Xaphoomu ministirchi dokter Abiy Ahimedihunni borreessantinoti ledamate, ledamate doogganna ledamate ilama yitanno maxaaffa lendanna borrote mini borrote loossa dikkote shiqqino.
“xaphoomu ministirchi nabbambanni mini “dhaggete Itophiyu xaphoomu ministere ikkite owaattino massagaano maxaaffa worranniwa ikkinota afate dandiinoonni. Xaphoomu ministirchi nabbambanni mini aana gobboomu soorro harunsite xaphoomu ministirchi dokter Abiy Ahimedihu biilloonye amadi yannanni kayise niwaawete qixxeessino maxaaffa shiqqino.
Leellisho hanafisiisate qixxaawo aana xaphoomu ministirchi borro mini sooreessanna kaabinete hajubba ministircho dukko Alemtsehay Phawuloositi, xaphoomu ministirchi dagoomittete handaari amaalaanchi Diyaqon Danieel Kibretihunna xaphoomu ministirchi borro mini Pires Sekrateriyaate soreette dukko Bilene Siyyumita lendanna wolootu loosu sooreeyyenna beeqqaano afantino.
Bakkalcho Dotteessa 26, 2015 M.D Hamuse
