Amsaalu Felleqe
Addis Ababa:- Seedu diri xagisate dhagge nooseti Yirgaalamete Xaphoomu Hospitaale mule hayishshinanni xaginsanni mereersha fanate balaxote qixxaawo assitanni noota xawinsi.
Hospitaalete Loosu Harisaanchi Kalaa Temesgen Sarmiso Itophiyu pireesete uurrinshara xawisino garinni; Hospitaale mule hayishshinanni xaginsanni mereersha ijaarsate loosi deerrasi agarinonna hasiisannore wonshino garinni loosamino.
Hospitaalete haaru garinni hanafate qixxaamboonnihu mulu dhibba hayishshine xagisate mereershira hasiissannoti kiirotenni 7 maashinna sa’u muli barruwa giddo Jarmanete gobbanni e’inota qummeessinohu kalaa Temesgen; konne looso hanafisiisateno Fayyimmate ministerenna Phawuloosi Hospitaalenni filantinori gaamo miilla kaajjado harunsonna irko assitanni no yiino.
lossate ragaanni woyyaawino gumi borreessaminota buuxisino. Buna halashatenna laalchonna laalchimma lossate 27 miliyoone chigginye qixxessine kaasate giddora e`noonniha ikkanna; haaroonsate loosono loonsanni hee`noonni yiino.
Sai honsu agani giddo biirote deerrinni Mereershu aantanno sase aganna giddo xaginaatu owaante aate looso hanafanno yine mixi’noonniha ikkanna; eessinoonniri lamala maashshinna mereerinni balanxe 4 maashinna looso hanafisiisatenni barru giddo 12 mannira mule hayihshinanni xagisate owaante aatenni hananfe albilichono wo’munni wo’ma loosu giddora eate illachiinshe loonsanni hee’noonnita xawisino.
Mereershu mulu dhibbinni hattono woloottu dhibbuwanni kainoha uminsanni millisa dandiitannokkirinna bisu xe’ne noonsarira; qoleno uminsanni millisse eanna fula dandiitannorira yine lame furcho heedhannosi gede ijaarsinoonnitanna hasiisannore wonshinoonniha ikkasino amadisiisatenni.
Gobbate deerrinni Mulu dhibba xagisi’rate lowo woxe xa’mannoha ikkasinni, dhibbunni amadantino manni basete xeertinyina woxu wolqa anjenni hasiisannonsa xaginaate afidhukkinni quuxxotenni keeshshitannota coyi’rinohu Hospitaalete loosu harisaanchi; konni mereershira kayinni maashine shiqishshu uurrinshanna IFDR Fayyimmate ministereno dhibbunni amadantinorira woxu wolqansa gawajjannokki garinni owaante aate illachiinshe loonsanni gede irko assitannota huwachishino.
Hospitaalete mule hayishshinanni xagisate mereershira handaarunni owaante uytanno ogeeyye baarawidonna gobbate giddo qajeelsha adhitinorinna adhitanni afantannori nootano hattonni. Mulu dhibbi akatisinni malaate leellishikkinni keeshshe gawajjannoha ikkasinni lowo manni dhibbu rumuxxi gedensaanni xagisi’rate wo’naalturono; roore yannara gawajjote reqecci yitannoho.
Konnira, hiittenne yannarano fayyimma macciishshantuhano ikkiro mulu dhibba calla ikkikkinni hiikkonne dhibbano buuxo assi’nanni layi’ranna meessaneeti fayyimma buuxi’ra hasiissannotano kalaa Temesgeni amadisiise sokkasi saysino.
Bakkalcho Dotteessa 19, 2015 M.D Hamuse
