Yaareed Geetaachew
Sidaamu daga haaro diru soorro Fichee Cambalaallate ayyaana lainohunni IFDR xaphoomu ministirichi Abiy Ahimed hawalle iillishi’ne sokka sayisi.
Sidaamu daga haaru diru soorro Fichee Cambalaallate ayyaani bero Ficheetenni hanafe techoo barra Hawaasa sooreessu gudumaalira Cambalaalla iibbadu garinni ayirrinsoonni.
IFDR xaphoomo ministirichi Abiy Ahimed (Dr) Hawalle Sidaamu haaru diri soorro Fichee-Cambalaallate ayyanira, keerunni iillishino’ne yaannino sokkasi sayisino.
Sidaamunnihu haaru diri ayyaani, Sidaamu dagaha calla ikkatenni sae Itophiyunnihanna kalqete Dona ikkinkunni dirra kiirantino yiinohu xaphoomu ministirichi; konne faayya bude agartenna maareekkite tenne ilamara iillishshu annuwira ayyaaninsa galo yaatenni ayyaana agarte ilamate maareekkitu annuwirano galata shiqishino.
“Cambalaalla keereho” yiinohu Dr Abiyi; tayixeha haaro diro ayirrinseemmohu, konni ayyaani malaate ikkinohu keeru caabbichi gobbanke giddo xawa hanafino yannaraati yaatenni qummeessino.
Keeru, altenna atoomu Ficheete ayyaani malaatta giddo umireeti yaatenni, Kuri malaatta, dagankera keere dirrinse, buxima madaarre altetenna atoomu widira hinge ha’rate mixonke ledo amadisiisantinoreeti yiinohu
Dr,abiyi;konne ikkino daafira, Sidaamu cimeeyye, hayyoolenna wedellu, gashshootinketa keeru, altenna atoomu doogo Ficheete ayyaani ledo noonsa fiixooma seekkitine affine; gobba tenne noose batinyu qarri giddonni fushshine lattinotanna qansootisera hee’rate injiitannota, hattono dureette assate ha’neemmo doogora ledonke uurritinanni gede yaanni sokkasi sayisino.
Wo’munku aleenni Ficheete malaate ikkinoha keere balaxisiinse gobbanke geisate loonsemmo looso kaa’latenni ledonke uurritinanni gede ikkona yee;Hawalle Sidaamu haaru diri soorro Fichee-Cambalaallate Ayyaanira keerunni iillishino’ne/ iillishinonke yiino.
Bakkalcho Dotteessa 12, 2015 M.D
