Abrahaam Saamueel
Addis Ababa:- Itophiyu ajuuja waajjinoonnitinna kalqe ayirrissino gobba heedhanno gede assitanno olanto ijaarsate yaanni IFDR Xaphoomu Ministirichinna OLu Wolqa Xaphishshu Hajajaanchi Abiy Ahimed (Dr) coyi`ri.
Xaphoomu Ministirichi Hurso keere agarsiisanno Kontijintewa sai Sambatu barra harinsoonni xuruuru Mokkonniinootu maasso amanyooti aana afame sayisino sokkanni; “Itophiyu bareende leellishshinanniri ki`neeti; Itophiyu bareendetenni woshshantannohu, konninni roorino loosi aana wojji yitanni noo gobbaati.
Tenne gobbara owaante aa kaayyotenna dooramate” yiino.Jawaata gobba jawaata olanto nookkiha kaajjitara didandiitanno yiinohu Xaphoomu Ministirich; olanto wo`manka woyte olu suudi xa’manno qixxaawo agadhinoha, busule, waajjannokkihanna e’’eennasi gobbasira agaraancho ikke uurrannoha ikka noosi yaanni huwachishino.
Itophiyu ajuuja waajjinoonnitinna ayirritino gobba heedhano gede assitanno bareedda olanto ijaarsate yiino. Bareendete yaa roortino timora umosi sayise aate yee maassantanni noo olantora gobbansara bareendetenni soqqantanno gede bidissa uyno.
Hurso keere ayirrisiisanno Kontijente xuruuru Mokkoniinoti rosonsa harunsitanni noori, 1 kumenna 100 ale ikkitannore doorantino mokkoniinoota rosonsa garunni jeefisse laynki xibbuuy roorrichimmanni maasantino.
Bakkalcho Dotteessa 5, 2015 M.D
