– Sai Lewu Agani Giddo Meqelenna Shire Quchumira 2.3 Biliyoone Birra Sonkoonni
Abrahaam Saamueel
Addis Ababa:- Gaancete korkaatinni gawajjo iillitino qansootira iillinshannita mannihimmate kaa`lo kaajjinshe sunfanni hee`noonnita Danotenna Bidhattote Massago Komishiine egensiisino.
Birra aganinni hananfe 2.3 biliyoone birra Maqalenna Shire quchummara sonkoonnita xawinsoonni. Danote Bidhatto Massago Komishiine Dagate Xaadooshshi Dayrektoreete Kalaa Debbebe Zawude Itophiyu Pireesete Uurrinshara xawisino garinni; Tigirayete, Amaarahonna Affaarete qoqqowira gaancete korkaatinni gawajjo iillitinonsa dagara iillinshanni hee`noonni kaa`lo kaajjite suffanni no.
Mannihimmate kaa`lo calla ikkikkinni Maqallenna Shire quchumma gashshooti hajoranna owaante gumulate kaa`lanno woxe sonkoonni. Xaa yannara Tigirayete Qoqqowira 5.2 miliyoone ale, Amaaru Qoqqowira 2.4 miliyoone ale hattono Affaarete Qoqqowira 715 kume ale xaphoomunni 8.3 miliyoone ale ikkitannoti kaa`lo hasidhanno daga noota Kalaa Debbebe xawisino.
Kalaa Debbebe xawishshi garinni, tenne dagara umi doychonni 141 kume 671 meetirike toone sagale beenkoonniha ikkanna; 2ki doychonni xaa geeshsha sasunku qoqqowira 282 kume 934 meetirike toone mannihimmate kaa`lo sagale kaameelunninna Rophilunni beehate looso loonsoonni.
Mootimma 15 kume 666 meetirike toone mannihimmate kaa`lo shiqishshinota xawisinohu Dayrekterichu; woleno 29 kaa`litanno uurrinshubba widoonni iillinshoonnita huwachishino.
Gaancete korkaatinni gawajo iillitinonsa qansootira iillinshanni mannihimmate kaa`lo kaajjite suffanni noota kule; baxxinohunni, hudete reqecci yitino dagara yaano amuwaho, qaaqquulleho, godowii noo amuwiranna geerraho 5 kume 938 meetirike toone lattino sagale iillisha dandiinoonnita huwachishino.
Birra agani kawa 2015M.D xaa geeshsha noo yannara looso harisatenna gashshooteho ikkanno woxe Maqalenna Shire 2.3 biliyoone birra sonkoonnita Dayrekterichu xawisino. Konnira, 119 uurrinsha irko assitinotano kulino.
Bakkalcho Badheessa 21, 2015 M.D
