Amsaalu Felleqe
Hawaasa:- Qoqqowoho duuchunku handaari aana nooha latate dhuka co`o assine horonsi’ratenni laalchonna laalchimma lossate hananfoonni loossa kaajjishshannore ikkansa Sidaamu qoqqowi pirezidaantichi kalaa Desta Ledamohu xawisi.
Pirezidaantichu tenne yiinohu, tenne lamalara Hawaasi quchumira harinsanni keeshshinoonni qoqqowu amaale mini 6ki doyicho 2ki loosu diri 4ki uurrinshu songo aanaati. Sidaamu qoqqowi pirezidaantichi kalaa Desta Ledamohu yino garinni; qoqqowoho dagoomu laalchonna laalchimma buuxisate sagalete gidinni umo dandaatenni sa“e dikkote shiqannoha tirfe laalcho laashshate illacha tungoonni. Konninnino laalchimma lossatenni miinju lophonna jireenya buuxisate hajo la`anno bissanna dagooma beeqqisiisatenni loonsanni afammanni yino.
loossara dancha kaayyo kalaqanno yaanni huwachishino. HWHT Federaalete mootimmanni egennama uyinoonnikki doorshinna qoqqowu mootimma seerimale ikkasi huwatte Piritooriyaho keeru sumiimme malaatisansano xawisino Tigirayete seeru doorsha harinse uurrinshu gashshoote uurrinsa geeshsha kayinni yannate geeshshira loossara shiqinshoonni gashshooti giddo HWHTino noota buuxisino. Konne ikkinohura Amaalete mine konni albaanni HWHT aana murroonni Cancishaanchimmate muro kayisa keeru sumiimme sufino garinni gumulantanno gede kaa’lanno yiino.
Miinju handaarinni guma borreessiisate dandiissanno handaarra aana illacha assinoonniha ikkanna; baxxinohunnino bunu, wixu gidi, babbaxxitino faafriku hasattora hossannotanna saadate laalchimma leddanno loossa gumullanni afammanni. Amandoonni baajeettete dirinni sa`i lamalu agani giddo baxxinohunni arri gorsu Qamade umi doyichonni 54 kume 131 Hekitaare baatto aana latisate mixi`ne xaa geeshsha 51 kume 328 Hekitaare baatto latisa dandiinoonni.
Bunaho, makmaanote, saadate latishshinni hattono qinaabbino giwirinnu qineesso hasattora hosanno laalchi aana illacha aatenni qooxeessubbate haammata baatto loosidhe galtinori qinaabbe latissanno gede assinanni hee`noonnitano xawinsoonni. Qoqqowunnita giddoyidi e“o dhuka lossate dagoomunnita latate hasatto wonshate dandiissanno e“o burqisatenni baajeetete dirinni 10 Biliyoone birra e“o gamba assate mixi`noonniha ikkanna; umi bocu dirinni gamba assate mixi`noonni 6.2 biliyoone birrinni 4.3 biliyoone ali e“o gamba assinoonni. Gattino yannarano diru mixo gumulate loonsanni hee`noonnita xawinsoonni.
Dagoomunnita qara xa`mo ikkitinori giddonni anganni waay tuqishshi, doogote, caabbichunna wolootta safote latishshubbara gari illacha uyine loonsanni hee`noonniha ikkanna; konni albaannino hanafante gooffinokki pirojekitubba jeeffanno gedenna haaruudde pirojekitubbano harancho yanna giddo jeefinse dagoomaho owaante uytanno gede assa dandiinoonni.
Qoqqowo miinjunni, sa“eno maatete jireenya buuxisate ragaanni heewisamaancho ikkanno gede dandiisate bunu latishshinni aane saadate jiro qara lophote bue ikkase coyi’rinohu pirezidaantichu; saadate sircho woyyeessatenni quchumahono ikko baadiyyete saadate ceatto halashshatenni, laalchonna laalchimma lossatenna handaarunnino horaameessimma buuxisate illacha uynoonnita egensiisino.
Baajeetete dirinni quchumahonna baadiyyete qooxeessubbara xaphooma 51 kume 614 ikkitano looso hasidhanno wedellira babbaxxino handaarinni loosu kaayyo kalaqate mixi`ne sa`i lamalu agani giddo 30 kume 264 wedellira uurrinshunna yannate geeshshi loosu kaayyo kalanqoonninsa. Wedellaho kaimu kaappitaale liiqote shiqisho 62.3 Miliyoone birra injeessinoonninsa yinoonni.
Babbaxxino owaante uytanno uurrinshubba halashshate ragaannino qoqqowu mootimmanninna hajo la`anno bissanni loosantino loossa jawaachinshata ikkitinotano kulloonni. Baxxinohunnino tayixeha 12ki kifile guma kaima assatenni “Sidaamu rosu ka“o” yaannohunni rosu looso qarunni harunsannonna aanteteno rosaanote gumanna akatooma woyyeessate dandiissanno gaamo uurrinse loonsanni hee`noonnitaati pirezidaantichu egensiisinohu.
Dagooma gawajjitannore baincho assootubbanna mussinna sharramatenni dancha gashshoote buuxisate qarunni dagooma beeqqisiisatenni bainchu assootira anga wodhitanno bissano xa`mamaano assatenna seeru aliidimma ayirrisantanno gede loonsanni hee`noonnitaati Pirezidaantichu xawisinohu.
Bakkalcho Badheessa 14, 2015 M.D
