Kumu Roorricha Phawuloos Geetaacho
Yaareed Geetaachew
Hammata qeellenna bareendete dhaggenni kalqete barera hala`ladunni egennantanno. Konninnino wolaphosenna ayirrinyese agarsiisatenni Afrikaho saeno kalqete caabbichoho; Itophiyu. Kalqe kadote gashshaano heewonni luphiima shetto giddora e`u yannara yaano 19ki sanira Itophiyu wolaphose ayirrisiisse heedhino callicho Afriku gobba ikkase gotti yee ka“anno. Gobbayiditi horraano wolqa gobba diigate daggu kiiro duuchunku qansichi qaccetenni qaccete geeshsha sharramatenni mittimmatenninna halamatenni diramatenni diina qeele shorrino.
Dhaggete fullahaano Adiwa xawissanno woyte “Itophiyu daga mittimma xawishsha, duuchunku koliddu dagahanna wolaphote sharramaanoha qeellete dhaggeeti” yitanno. Adiwu qeelle Itophiyunni sa“e duuchanti Afriku daga wolaphonsara jawaattanno gedenna mittimmansa kaajjishshanno gede xinta ikkino jawa qeelle ikkasi daafirano coyidhanno. Kolidda dagaha qeelle leellishann assine adhinanni Adiwu qeelle. Itophiyu Pireesete uurrinshanni ledo keeshsho assinohu Kumu Roorrichinna dhaggete borreessaanchi Phawuloos Geetaachew; Adiwu qeelle duuchunku Afriku dagara mittimmate lawishshimma ikkase kulanno. Konni aleenni Adiwu qeelle Paan Afrikaaniizimete/PAN Africanisim/ millimillora kaima ikkitino korkaattanni mittonna qara ikkasi daafirano lede xawisanno.
Itophiyu qansootise mittimmatenni loossinose, mittimmansa buuxisiissidhino; sharronsanni wolaphose agarte ilamate keeshshiishshino gobbaati. Adiwu, annuwu dhagge huwate, ragisiissinonkeha dancha atoote sufisiisanna aantanno ilamara saysa dandiitanno ilama ikka hasiissanno gede loosa hasiissannotano kumu roorrichi Phawuloosi keejjishe qaagiissino. Adiwu qeelle gumaamo ikkitinohu duuchunku Itophiyu daga mittimmanni ikkasinni; xaano ikko albillicho gobbanke mittimmanna jireenya buuxisiinseemmohu mitteenni uurratenni callaati yaannino guwursino. “Adiwu Qeelle,Afriku Naaxxillenna Itophiyu Culku Gede Xabbanno Beeddakko Assitino” yiinohu Shaaleqa phawuloosi;Afriku; koliddu gobba ikkasinni; Afriku qansooti bareendetenni kakka’e waajjuulle qasse qeelate dandiitinohu Adiwu oli yannara ikkaseno duu’re woranno. Ohano
Bakkalcho Ammajje 23, 2015 M.D
