Finfinnee: Waancaan kubbaa miilaa dargaggoota guddatoota addunyaa waggaa lamatti al tokko biyyoota miseensota Waldaa Federeeshinii Kubbaa Miilaa biyyooleessaa “FIFA’’ jidduutti gaggeeffama.
Walmorkiin kun baranas yeroo 18fa qopheessummaa Biraaziiliin gareewwan dargaggootaa guddattootaa biyyoota Addunyaa 24 jidduutti haala miidhagaadhaan gaggeeffameera.
Torban sadiif adeemsifamaa kan ture waancaan dargaggoota guddatootaa umrii 17 gadii kanati Biraaziil shaampiyoona ta’uudhaan hambifatteetti. Dargaggoonni guddatootni Biraazil waancaa kan fudhatan tapha maahessaatiif kan dhihaate garee dargaggoota guddattoota Meeksikoo mo’achuudhaani.
Gareen dargaggoota guddattoota Biraaziil kun Waancaa kan fudhate taphawwan adeemsifatetti Kaanaadaa 4-1n, Neezarlaandi 3-0n, Angoolaa 2-0n, Chiilii 3-2n Xaaliyaanii 2-0n, Faransaay 3-2n gaggeessuudhaan yoo ta’u, tapha maahessaatti ammoo Meeksikoo 2-1n mo’achuudhaani.
Biraaziil waancaa dargaggoota guddattootaa kana yeroo sadiif fudhachuushee kan yaadatamuudha. Afrikaarraa Naayijeeriyaan al shan, Gaanaan ammoo yeroo lama argatteetti.
Tashoomaa Qadiidaatiin
Gaazexaa Bariisaa Sadaasa 13/2012
3 Comments to “Gareen guddattoota Biraaziil waancaa fudhate”