Finfinnee: Ministirri Muummee mootummaa RFDI, Doktar Abiyyii Ahmad badhaasa Noobeelii Nagaa 100fa mo’achuusaanii sababeeffachuun dhaabbileen mootummaa federaalaafi naannolee addaddaa ergaa baga gammaddanii dabarsuurratti argamu.
Haaluma kanaan Ministeerri Haajaa Alaa, Qonnaa, Saayinsiifi Dhaabbilee Barnoota Olaanaa, Maallaqaa, Fayyaafi kanneen biroo baga gammaddan jedhaniiru. Gamtaan Afrikaas gammachuusaa ibseera.
Biiroleen Bulchiinsa Mootummaa Naannoo Oromiyaa, Ummattoota Kibbaa, Beenishaangul Gumuz, Gaambeellaa, Somaaleefi Affaaris badhaafamuu Doktar Abiyyitti gammaduusaanii ibsaniiru.
Waajjirri ODPs badhaasa argametti hedduu gammaduusaa kan ibse yoo ta’u, ministirri muummeen jijjiiramootni hundagaleessi biyyoota Gaanfa Afrikaatti akka galmaa’aniif qooda guddaa bahachuusaaniis eereera. Kanaaf badhaasni Noobeelii Nagaa kun kan Doktar Abiyyi qofa osoo hintaane kan ummattoota Itoophiyaa maraaf kenname ta’uu ibseera. Irra deebiinis baga gammaddan; gammanne jedheera.
Gaazexaa Bariisaa Onkololeessa 1/2012
3 Comments to “Waajjiraalee mootummaa federaalaafi naannolee”