Finfinnee:Yunivarsitiin Finfinnee faakilitiiwwan isa jala jiran jidduutti feestivaalii ispoortii Guraandhala 29 bara 2016 irraa kaasee adeemsifamuuf qophii xumuru ibse.
Pirezidaantii Eeggataan yunivarsitichaa finfinnee Doktar Saamuu’eel Kiflee ibsa Kibxata darbe kennaniin akka jedhanitti, waggoota dheeraaf addaan cite kan ture feestivaaliin ispoortii faakaltiiwaanii kun akka jalqabamuuf qaamoleen adda addaa gumaachaniiru.
Feestivaalichi Guraandhala 29 hanga Bitootessa 14 bara 2016 dirreewwan ispoortii magaalaa finfinneetti kubbaa miilaa, kubbaa saaphanaa, kubbaa harkaa, atileetiksii, teenisa minjaalaa, biskileetiifi jimnaastikiidhaan adeemsisama jedhan.
Shaampiyoonichi akka milkaa’uuf koreewwan adda addaa hundeeffamuudhaan dirreewwan ispoortiin itti adeemsisaman qophaa’uus ibsaniiru.
Miidhagina feestivaalichaatiif Ministeerri Aadaafi Iispoortii Koreen Olompikii Itoophiyaa, Federeeshiniin Kubbaa Miilaa Itoophiyaa, Federeeshinii Atileetiksii Itoophiyaafi Biiroon Dargaggoofi Ispoortii Finfinnee gargaarsa taasisuu pirezidaantichi ibsaniiru.
Tashoomaa Qadiidaatiin
BARIISAA SANBATAA Guraandhala 23 Bara 2016
6 Comments to “ Feestivaalii ispoortii Yunivarsitii Finfinnee Guraandhala 29 jalqabama”
Comments are closed.