Bulchiinsi Magaalaa Finfinnee pirojaktii qarshii biliyoona 29 hojjetamu kaleessa bakka Ministirri Muummee Doktar Abiyyi Ahmad argamanitti ifoomse.
Pirojaktichi waggoota 3tti ijaaramee akka xumuramuuf kan karoorfame yoo ta’u, misoomichi lageen magaalaa Finfinnee bakka lamatti hiran irratti kan xiyyeeffatuudha.
Pirojaktiin misooma lageenii kun kaabaan Inxooxxoodhaa ka’ee hamma laga Aqaaqiitti kiiloo meetira 56 uwwisa.
Lageen Baanchii Yiqqaxuufi Qabbannaa sagantaa misoomaa kanaan hammatamaniiru. Pirojaktichaan lafti heektaarri kumni afur kan misoomu yoo ta’u, riqaalee, haroo namtolchee, bakkeewwan magariisaa, bashannanaa, geejiba bishaaniifi wiirtuulee daldalaa qaba.
Magaalaan Finfinnee lageen jajjaboo torbaafi dolol’oowwan 65 qabdi.
3 Comments to “Pirojaktiin misooma lageen guguddoo Finfinnee iftoome”