Finfinnee: Dorgommii Liigii Daayimandii meetira kuma sadii dheengadda magaalaa Luuzaan, Siwizarlaanditti adeemsifametti atileet Dirribee Waltajjii daqiiqaa 8:21.50n tokkoffaa ba’uun mo’atte. Riikardii bakkichaas fooyyessiteetti.
Fiigicha meetira kuma 1500n kan beekamtu Dirribeen, yeroo dhihoodhaa as fiigicha meetira kuma sadiirratti xiyyeeffachuudhaan atileetii cimtuu ta’uu dandeesseetti.
Dorgommichaan atileetin Keeniyaa lammaffaa yoo baatu, Atileet Tsiggee Gabrasalaamaa ammoo daqiiqaa 8:24.40n xumuruudhaan sadaffaa baateetti.
Dorgommiin kun borus ittifufuudhaan Poolaand magaalaa Saaliiziyaatti adeemsifama.
Tashoomaa Qadiidaa
BARIISAA SANBATAA Hagayya 18 Bara 2016
