Dorgommiiwwan atileetiksii Sanbataafi Dilbataa darbe biyyoota garagaraatti gaggeeffamaniin atileetonni Itoophiyaa injifataniiru.
Dorgommii Maaraatoonii Jaappaan Osaakaarratti dubartootaan Helan Baqqalaafi Atileet Bayyanuu Daggafaa 1ffaa fi 2ffaa ba’uun yoo injifatan, dhiiraan Atileet Hayilamaariyaam Kiiroos injifateera.
Meeksiikootti fiigicha walakkaa maaraatoonii gaggeeffameen dhiirotaan Atileet Yaasiin Haajii yoo injifatu, dubartootaan ammoo Atileet Hiwot Gabrakidaan injifatteetti.
Fiigicha walakkaa maaraatoonii Ameerikaa, Magaalaa Atilaantaatti gaggeeffamerratti, Atileet Tsaggaayee Kidaanuu 1ffaan xumureera. Dubartootaan ammoo Atileet Salaam Faxxanaa 3ffaan xumureera.
Haaluma walfakkaatuun maaraatoonii Kaastil Ispeenitti gaggeeffameen Atileet Daadhii Yaamii yoo injifatu, Atileet Lammii Duumechaa sadarkaa 2ffaan xumureera. Dabalataan Xaaliyaaniitti fiigichaa walakkaa maaraatoonii Naappoolitti gaggeeffameen Atileet Muktaar Idris kan injifate yoo ta’u, fiigicha kiiloo meetira 10 Israa’el, Magaalaa Teelaaviivitti gaggeeffameen ammoo dubartootaan Atileet Yaalamgeex Yaaragaal injifatteetti.
BARIISAA SANBATAA Guraandhala 25 Bara 2015
One Comment to “ Milkaa’ina atileetota Itoophiyaa”