Finfinnee: Shaampiyoonaan Kilaboota Kubbaa miilaa Oromiyaa 19fan Adoolessa 9 bara 2013 irraa eegalee kilaboota godinaaleefi magaalotaa 36 gidduutti Magaalaa Ambootti adeemsifamsifamaa jiru tapha waancaa boru kilaboota Sokorruufi Yaabelloo gidduutti adeemsifamuun xumurama.
Tapha mo’aa mo’attootaa kilaboota gidduutti gaggeeffamaa jiruun kilabootni 10 gara liigii Oromiyaa bara 2014tti kan darban yoo ta’u, hanga kaleessaatti kilaboonni saddeet (Sokorruu, Afran Noonnoo, Luugoo, Babnichaa, Senayaas, Baakkoo, Yaabelloofi Meeggaan gara liigii Oromiyaatti darbuu mirkaneeffataniiru. Kilaboonni hafan lamaanis har’a ykn bor kan beekaman ta’u.
Shaampiyoonaan kilaboota kubbaa miilaa qopheessummaa Komishinii Ispoortii Oromiyaatiin Ambootti geggeeffamaa jiru kun sadarkaa kilaboota kubbaa miilaa magaalotaafi godinaalee madaaluufi carraa hirmaannaasaanii fooyyessuuf kan gargaaru ta’uunis ibsameera.
Shaampiyoonaan kilaboota kubbaa miilaa Oromiyaa 19fan Ambootti geggeeffamaa jiru kun boru tapha waancaa kilaba Sokorruufi Yaabelloo gidduutti geggeeffamuun kan xumuramu ta’a.
Natsaannat Taddasaatiin
Gaazexaa Bariisaa Hagayya 22/2013
