Hubadhu

• Hiyyeessa jechuun nama qarshii hiyyoome osoo hintaane, nama sammuu hiyyoomeedha!

• Beekaa jechuun nama dogoggora ofii beekee, irraa sirraa’eedha!

• Lukaan qixxeessuuf kophee muran malee, kopheen qixxeessuuf luka hinmuran!

• Mo’uu jechuun 1fa bahuu qofa osoo hintaane, jijjiiramas agarsiisuudha!

• Barachuu jechuun barumsa keessa darbuu osoo hintaane, barumsi nama keessa darbuudha!

• Barumsa barattee yoo qoramtu, jireenya immoo qoramtee baratta!

• Nama si sobu wajjin gammaddee kolfuu, irra nama dhugaa sitti himu wajjin gadditee boohuu sii wayya!

• Namni carraa gaarii qabu osoo bishaan galaana keessatti darbaniiyyuu qurxummii afaanitti qabatee keessaa baha!

• Obsi guddaan dhagaa yoo affeelu, aarii xinnoon bishaan bobeessiti!Yeroo tokko tokko gammachuun guyyaa tokkoo, gadda waggaa tokkootti jijjiirama!

Maddi: Barruu waggaa 50fa Mana Barumsaa Caboo Wancii sababeeffachuun qophaa’e)

Charinnat Hundeessaatiin

Gaazexaa Bariisaa Hagayya 11/2011