Finfinnee: Bulchiinsa magaalaa Finfinneefi Dirree Dawaa dabalatee naannoleen martinuu irratti qooda fudhachaa kan jiran taphawwan guutuu manneen barnoota Itoophiyaatti Oromiyaan qabxii olaanaadhaan dursaa jirachuusaa beekameera.
Taphawwan manneen barnootaa sadaffaa kun qopheessummaa naannoo Tigiraayin, magaalaa Maqaleetti adeemsifamaa kan jiru yoo ta’u, taphawwan hanga Roobii darbeetti naannoon Oromiyaa dursaa akka jiru beekameera.
Oromiyaan dursaa kan jiru dorgommii atileetikisii kornaa lameeniin adeemsifameetti meedaaliyaa warqii 22, meetii 19fi nahaasa 11n, walumaagalatti meedaaliyaawwan 52n dursaa jira jedhameera.
Walmorkii daakaa bishaaniin ammoo meedaaliyaawwan warqiifi meetii shaniifi nahaasa afuriin dimshaashumatti meedaaliyaawwan 14 fudhachuudhaan gabatee meedaaliyaatiin dursaa jira.
Walmorkii kubbaa kaachoo dhiirota jiddutti adeemsifameen Oromiyaan qopheessaa
shaampiyoonichaa naannoo Tigiraayi 49-45n mo’achuu danda’eera. Akkasumas ulfaatina kiiloo giraama 42 kan dubartootaa kaasuutiin tokkoffaa ba’uunsaa beekameera.
Taphni guutuu manneen barnootaa Itoophiyaa bara 2011 istaadiyoomota magaalaa Maqaleetti adeemsifamaa jiru kun iftaan Istaadiyooma Maqaleetti xumurama jeedhameeti eegama.
Bariisaa Bitootessa 20/2011
2 Comments to “Taphicha oromiyaan dursaa jira”