Addis Ababa:- Amandoonni baajeettete dirinni Itophiyu sai Ella aganira 46 kume toone Buna gobbaydi dikkora soya dandiitinota Itophiyu Bununna Shaete Biilloonyi egensiisino.
Aganu aganunni gobbaydi dikkora shiqinohu Bunu bikki ayirrinyu deerra amadinoha ikkanna; konninni, Buna hiratenni 218 miliyoone doolaare afi’ra dandiinoonnita xawinsoonni.
2016 baajeettete dirinni gobbaydi dikkora shiqinshoonni Buni 298 kume 500 toone ikkanna; gobbara sonke afi’noonni eo 1.43 biliyoone doolaare ikkasino Biilloonyu egensiisino.
sai 2015 baajeettete diri ledo heewinsanni woyte tayxee dirihu Bunu laalcho gobbaydi dikkora soyaate bikki xibbuunni 20% roorre noositanna eote ragaannino xibbuunni 7.5% roorannota xawinsoonni.
Bunu laalchinni agarrannieo afi’rate harancho yanna giddo dikki’ra dandaatenna woyaawinoha gobbaydi woxu soorro abbate dandiinoonnitano kullooni.
Buna gobbaydi dikkora soyaatenni afi’nanni eo lossi’rate hayyo woyyeessatenni ragaanni hala’lado loossa gumullanni hee’noonnita kulloonni.
Konninni, xaa yannara kalqete dikkuwara Itophiyu Buna hidhate hasatto yanna yannantenni lexxitanni dagginota kayisinohu Biilloonyu; ikkinohura, handaaru loossara jawa illacha tunge loosa agarrannita qummeessino.
Gaazeexu Odeessaanchinni
Bakkalcho Maaja 4, 2016 M.D
