– Itophiyu pireesete uurrinsha lede 11 miidiyubbara afansha uynoonni
Addis Ababa:- Mootimmate xaadooshshi owaante qixxeessonni bero Miidiyubbate afanshanna baraarsha uynoonni. Konninni, Itophiyu pireesete uurrinsha lede 11 miidiyubbara Xaphoomu ministirchi Abiy Ahimed (Dr) afanshanna baraarsha uyno.
Xaphoomu ministirchi Abiy (Dr) tenne yannara coyi’ranni; miidiyubba Itophiyunnita gobboomitte horo balaxisiisse noo halaale leellisha noonsa yiino.
Mootimmate xaadooshshi owaante bero Adiwu qeelle qaaggo muziyeemera qixxeessitino barera Itophiyu pireesete uurrinsha, Itophiyu biroodikaaste korporeeshine, Oromiyu biroodikaaste, Amaara Miidiya neetiworke lede 11 miidiyubba afanshanna baraarsha uynoonninsa.
Itophiyu miidiyubbara afansha aate amuraate hanafa mitte qaafooti yiinohu Xaphoomu ministirchi; miidiyubba loosinsanni Itophiyu horo, hasatto, lophonna mittimma seekkite leellisha agarantannonsa yaanni sokkasi saysino.
Jajjabba miidiyubbanna odeessaanchimmate ayimma kalaqantannohu gobbate lopho deerrinniiti yiinohu Xaphoomu ministirchi; gobbanke hajo daafira gutunni halamme loons yaanni coyi’rino.
Baxxinohunni Baaru furcho hajo lainohunni mootimma kayissino hedo huwata hoogatenni ikko affanni heedhe Itophiyu gobboomu horora gurchunni uurritino miidiyubba noota qummeesse; ikkollana, Itophiyunnihu Baaru furcho haja wo’munni wo’ma toltinota ikkase egensiisino.
Ayino ikkiro Itophiya lophotenninna Jireenyunni gufisannosehu nookkihura gobboomitte horose ayirrisiisannoha miidiyu loossa loosate wo’naala agarrannita lede huwachishino.
Amsaalu Felleqe
Bakkalcho Maaja 4, 2016 M.D
