Addis Ababa:- Tayxe baajeettete dirinni qoqqowoho loosantinoti safote latishshuwa dagate xa’mora dawaro qaltinota ikkase Sidaamu qoqqowi pirezidaantichi Desta Ledamo coyi’ri.
Qoqqowoho 2016M.D baajeettete diri safote latishshuwa mixote jeefishshi keeno bero harinsoonni.
Keenote bare massaginohu pirezidaantichu Desta Ledamo coyi’rino garinni; dagate xa;mora dawaro qolate dandiisiissanno loossa qoqqowoho duuchu handaarinni loosantanni no.
Safote latishshuwa halashshate ragaannino baajeettete dirinni mixote garinni gumulantino loossa dagate xa’mubba qoltanni noota ikkase buuxisino.
Konni handaarinni la’noonnihu jawaatu midaadi kaajje sufa noositano huwachishino.
Bero harinsoonni barenni qoqqowoho dooggate latishshi loossara dagate beeqqo kaajjisha lainohunni millimillote sanade shiqqeenna albillicho daga beeqqaano assino garinni gumulama hasiissanno loossara faasho worroonni.
Barete qoqqowu mootimma jajjabba loosu massagaano lede deerru deerrunkunni afantannori mootimmate loosu sooreeyye leeltino.
Gaazeexu Odeessaanchinni
Bakkalcho Ella 13, 2016 M.D
