Addis Ababa:- Islanchimma agarsiisanna qansootinkera baalaho injaanno qarqara kalaqa balaxo uyineemmo loosooti yee xaphoomu ministirchi Abiy Ahimed (D/r) xawisi.
Xaphoomu ministirchi Abiy Ahimedinna balaxaancho Zinnaash Taayyaachew luphiima mootimmate loosu massagaano ledo ikkatenni lattino koriiderubbara towaanyo assitino.
Piyaassunna shoole kiilo qarqariha looso amandoonni sasu agani amuraati giddo jeefisanke xawiseemmo woyte hagiirru macciishshamannoe yee xaphoomu ministirchi Abiy Ahimed (D/r) xawisi.
Xaphoomu ministirchi tuqu xaadi qooli aana sayisino sokkanni balaxxinore koliiderete latishshi loossa keeno jeefinseemmo woyte aantino keenonke bayichoho afamme harinseemmota qaale e`noommonkanni yiino. Aanino loosinni jiro garunni amada umi illacha assine gattino koriiderete loossankenni rankeemmorenna kalaqotenni massagammeemmore ikka hasiissanno yiino.
Islanchimma agarsiisanna qansootinkera baalaho injaanno qarqara kalaqa balaxo uyineemmo loosooti yee xaphoomu ministirchi xawisino.
Tini pirojekite albira suffanni noohu batinyu halammenni ikkinota xawise hanafotenni kayse loosinkenni afi`noommo dancha fajjimmara galata shiqisheemmo yiino.
Kunino mixotenna gumulshu aana leellinoha wo`naalshankenna dancha fajjimmanke kiisannoha ikke leellino yiino.
Konninnino quchumanke woyyitino soorrora iillishate daafurroonni jawu loosi harinsho giddo qansootinke aana kalaqantara dandiitanno injoote hoongera soro xa`mi`neemmo yiino xaphoomu ministirchi.
Xaphoomu ministirchi sokkasinnino Itophiyinke soorrantanno gede jawaante loonseemmota konni koriiderete latishshi loosi harinshonnino noo dizayinetenna islanchimmate foonquwano heedhuro biddi assatenni sunfeemmota ammantinara xawisate hasireemmo yiino.
Hallanyu handaarinni noo halamaanonke lede towaanyote yannara dooggate baxille`ne xawissinoonninkerira; xaphoomunnino konni loosi aana beeqqitinoonni baalira galata shiqisheemmo yiino.
Abbebech Maatewoos
Bakkalcho Ella 6, 2016 M.D
