Addis Ababa;- Hawaassi quchumira antannori lamala lowiidi layinki dirimi rosi minna mereerinni onte rosi minna rosaano tayxeha 12ki kifile gobboomu fonqolo onlaynetenni adhitannota Quchumu Rosu Biddishshi egensiisi.
Biddishshu sooreessi Birhaanu (Dr) Itophiyu pireesete uurrinshara uyno xawishshinni; Hawaasi quchumi deerrinni afantannori kiirotenni lamala lowiidi layinki dirimi rosi minna mereerinni onte rosi minna rosaano tayxeeha 12ki kifile gobboomu fonqolo onlaynetenni adhitanno.
Rosaano yannitte hayyonni Interneete horoonsidhe fonqolu mooramannokkinna maafudasi agaramino garinni adhitanno hayyo lainohunnino balanxe qajeelsha uynanni hee’noonnita coyi’rino.
Kuri rosu minnano rosaanote kiiro ajjinore ikkansa buunxe filloonnireeti yiinohu Biddishshu Sooreessi; hallanyunnire Kombooninna SOS lede sase mootimmannite ledo onte rosi minna ikkansa buuxisino.
Quchumaho mootimmatenna hallanyu rosi minnara xaphoomunni 9 kumenna 53 rosaano tayxeeha 12ki kifile gobboomu fonqolo adhitankoha ikkanna kuri mereerinni 1 kumenna 300 rosaano onlaynetenni fonqolantannota qummeessino.
Sooreessu xawishshi garinni rosaano woraqatunnino ikko onlaynetenni adhitanno fonqolo Hawaasi Yuniversitera uynanni.
Albillichono baalante rosi minna rosaano fulote fonqolo yannitte hayyonni adhitannota lede qummeessino.
Yaareed Geetaachew
Bakkalcho Onkoleessa 29, 2016 M.D
