Sidaamu qoqqowira “Keerinkera agaraano ikkine uurrineemmo; soorro kaajjinsheemmo” yaanno adawarshinni keerunniha irkote dira harisoonni.Irkote gaadi soorrote gashshooti abbino guma kaajjinshe sufisiisate ikkanna;soorro daggunkunni 6 diri sayinsummo Badheessa 24/2016 MD guutino.
6ki diri soorrote gashshoote lainohunni addi addi qoqqowubbara irkote dira harinsanni hee’noonniha ikkanna;sidaamu qoqqowi tenne amandoommo lamalara irkosi leellishino.
Irkote diri aana afamatenni sokka sayisinohu Sidaamu qoqqowi pirezidaantichi kalaa Desta Ledamo coyi’ranni; Itophiyu baalunkuha ikkinohu soorrote mootimmanniiti yaatenni Sidaamu qoqqowi soorrote mootimmanni afi’rinota haammata qeelle sufisiisate wole yannanni aleenni qixxaawinoho yiino.
Ninke anfoommo’ne , ninke massangeemmo’ne yitannori sa’ino yanna laooshshe amande soorrote harinsho gufisate assinanni millimmo co’ontanni adhamooshshe afidhinokkita kayisatenni;soorro borreessiissino qeelle kaajjinshe sufisiisatenni daganke soorrote mootimmanna massagaano qotira uurritinnota buuxinseemmo yaanni coyi’rino.
Sidaamu daga taalleenyanna wolapho fidhinohu soorrote mootmmanni ikkinota xawise pirezidaantichu; tenne soorro sufisiisate daganke wo’manka woyte woyyaabbino horonsi’raanchimmara assitanno irko kaajjishshe suffanno gede lede xawisino.
Gaazeexu Odeessaanchinni
Bakkalcho Dotteessa 3, 2016 M.D
