– 1445ki Iid Alfexiri ayyaani baalante gobbate qarqartora iibbadu garinni ayirrisamino
Addis Ababa:- 1445ki Iid Alfexiri ayyaani duuchante gobbate kifillara bero barrinni iibbadu garinni ayirrisamino.
Iid solaati amanyooti aana Itophiyu Isliminnu hajubba xaphoomu amaale mini pirezidaantichi Sheh Haaji Tuufiha lede Addis Ababu quchumi Isliminnu hajubba luphiima amaale mini pirezidaantichi Sheh Sulxaan Amaan Ebba, woxu ministirchi kalaa Ahimed Shide, Ustaazootu, Iimaamootunna amma`note harunsaano afante ayirrissino.
Addis Ababu Isliminnu hajubba luphiima amaalete mini qaru borreessaanchi Sheh Huseen Beshir Itophiyu pireesete uurrinshara xawisino garinni; Remedaani agani wolootta yannubbanni baxxino garinni qarrantinore kaa`latenninna irko assatenni sayissino.
Haammatu Ramadaani agana qarrantinore woxunninna tiiu irko assitanni keeshshitino yiinohu Sheh Huseen Musliimootu gobbate keeru ajandi aanano uminsa qeecha assitanni keeshshitino yiino.
Iid Alfexiri ayirrinsanni woyte galatunni, qaalunni calla ikkikkinni assootunni kaa`lamatenni, gutu balchoomma xawinsanni garinni ikka hasiissannota coyi`re; mittu wolu ledo xaadanno, egennamannonna ga`a qoteho uurrannota xawisanno ayyaana ikkasi xawisino.
Ayyaana qarrantinori uddidhannonna ittannori noonsakkiri ledo beeqqine sayisa hasiissannota xawisatenni; baalanti Musliimete daga gutunniha ikkino gobbate keeri, latishshunna wolootta ajandubba aana halamatenni sufa hasiissannota buuxisino.
Itophiyu Isliminnu hajubba xaphoomu amaale mini pirezidaante dagoomittete hajo amaalaanchi Ustaaz Ahimedini Jebel isi widoonni; Ramadaanu qoorrenni leeltino kaa`lama, mararrenna dancha loossa sufa hasiissannonsa yiino.
Iid Alfexir Musliimootu ayirrissanno jajjabba ayyaanna mereerinni mittoho yiinohu Ustaaz Ahimedini; ayyaana xawo basera salaatatenni, maatete ledo noosihu noosikkihura beehatenni ayirrinsanni yiino.
Ramadaanu agani haammata eltote loossa loosantanni keeshshitino agana ikkasi xawise; baxxinohunni qoorre, salaatu, mutsuwaatu loossa loosantinota coyi`rino.
Ramadaaninni hanafantinoti dancha loossa babbaxxino garinni suffanno. Remedaani tidhamino yine uurrinsanniha ikka hoogasi xawisinohu amaalaanchu; lawino garinni dancha assootubba suffanno yiino.
Addis Ababu Isliminnu hajubba loosu gumulsiisaano komite Saabiir Yirgu xawisino garinni; Itophiyu wolootta amma`no harunsaano noosiha ikkasinni gobba sufisiisate halamme loosa hasiissanno.
Tayixe Iid solaatinni haammatu musliimooti dukkisantinoha ikkasi Iid Alfexiri ayirrinsanni woyte mittu mittunku manni gashshanno maate bikkinni baraarsha aannota xawisino.
Id ayirrinsanni woyte qarramino manni woloottu ledo hagiidhe ayirrissanno gede assa hasiissanno yiinohu Saabiiri Remedaaninni leeltino irkisama, halama, noosihu noosikkihura aate assooti Remedaani gobbaanni bude ikka hasiissannosi yiino.
Islaamu keerunniha calla ikkikkinni mittimmate xawishsha ikkinotano buuxise; Itophiyu wolootta amma`note harunsaano noowa ikkasinni gobba sufisiisate loosa hasiissannota qummeessino.
Baalunku umisi balchooma agare amma`no hajajjannoha ayirrisenna woloottu amma`norano afamishsha ee heera hasiissannota xawise; gobba halamatenni luphi yiino deerrira iillisha dandiinannita huwachishino.
1445ki Iid Alfexiri ayyaani iibbinonna shooshanqe womitino balchoominni duuchante Itophiyu q o q q o w u b b a r a , q u c h u m m a t e gashshootiranna baadiyyete ayirrisamino.
Abbebech Maatewoos
Bakkalcho Dotteessa 3, 2016 M.D
