Mootimma jawaatte loose daga kassi assitino uurrinshuwa filatenni baraarsha uyitanni jawaachisha hanaffunkunni luphiima soorro dagganni no. ani ayenni ajeenna? Yitanno qullaabbino heewonna hinaasi kalaqamanni daanno gedeno bilchaata hayyooti.
Baraarshunna afanshu jawaachishanno. Hala’lado barera su’minsa woshshamino uurrinshuwa agurina kifilete giddo su’ma ganne “ati jawaataho; hanni anga waxa assesi” yee rosiisaanchu afamishsha uyinohu nafa ga’ano hakkiinni dirra hoogate jawaate nabbawanno. Kuni manchi beettira kalaqamunni uyinoonni roorrimma hasi’rate ikkitooti. Kayinni meessi roorrimma calla ikkikkinni dagate uyinoonni owaanteeti roorenkanni kassi assitannoti.
Seyoote iillitino uurrinshuwa baraasa addi addi handaarubbanni bobbakkino bissa dhuka kaajjishatenni jawaattenna bilchaatte uyinoonninsa yawo fultanno gede dandiissannonna qullaawa heewo kalaqqannote. Togoo assooti kaajje sufa noosi.
IFDR xaphoomu ministirichi Abiy Ahimed (Dr) tenne lamala giddo Addis Ababaho Adiwu qaaggo harira leelle Gibirinnu ministere qamadetenni iillitino seyoote qacce,Itophiyu Horophilu doogo,Itophiyu Postu owaante uurrinsha,Itophiyu Telekominikeeshiinenna bayiriidi Itophiyu Abbayi kofatto pirojekite filatenni “Itophiyu uurrinshuwa seyoo baraarsha” baraasinoti qaangannite.
Tenne barera onte uurrinshuwa callate egennama uyino ikkinniina, heewisiinsoonnikki uurrinshuwanna seyoote ijaara kaxxitino uurrinshubba baca noota kulinohu xaphoomu ministirichi Abiy Ahimed (Dr) buuxisino. Techo kuri filloonnirira baraasa,Itophiyaho afantanno wolootta uurrinshuwa “Ninkeno kaajjine loosatenni baraasamaano ikka noonke” yitanno heewisamaanchimma giddonsa kalaqqanno.
Kaajjado loosaasine widoonni afi’noonni egennama roore loosate kakkayissannonna wolootta uurrinshuwara lawishsha ikkannoha ikkasi ga’a la’neemmo Itophiya buuxisannonke.
Itophiyu Horophilu diilallote doogo kalqetenni albisate. Kalqoomu 134 iillo noose doogooti. Techo Horophilu diilallote doogo su’minni afi’noonni afanshinna baraarshi duuchunku uurrinshate loosaasine guma ikkasino huwata hasiissanno.
Abiy Ahimed (Dr) barete aana assino hasawinni; Iophiyu uurrinshuwa Ahiguretenna kalqoomu deerrinni heewisamaanchimmansa lossi’ra dandiitanno doogga kalaqa hasiissanno yee; Itophiyu uurrinshuwa seyoote baraarsha qixxeessini yannara boode uurrinshuwa lawishsha assine adhatenninna afansha aatenni haammata uurrinshuwa afansha uynoonniri faale harunsitanno gede hedatenniiti yiino. Addaho wolootu konne faale gantanno gede assinoonni jawaachishate afanshi kaajje sufo.
Heewisamaano uurrinshuwa kalaqanturo gobba lattanno. Woyyaabbino owaante aanna addi addi hayyonni daga kassi assa meessaneetono jawaachishshe gobba latissanno. Aanteteno woyyaawino looso loosate kakkaooshshe kalaqanno baraarshaati.
Yanna busullennite. Loosinohu baraarannote. Laafinohu mishamannote. Uurrinsha baraadhu yaa, hattenne uurrinsha loosaasinchi gumaati. Uurrinsha seyote iillituro gobba buximatenni fultanno. Techo naaxxisanno guma maareekkisiissino uurrinshuwa dagate xawo baraarsha adhitino. Ga’ano jawaatte hakko worroonninsa baraarshu taqinni dirra hoogate loossanno dinyi looso adhitino. Techo baraadhinokkirino ga’a baraadhannonna afamishsha afidhanno gede jawaatte loossanno. Mootimma loosinoha baraasse,laafinoha jawaatanno gede assitino hayyo naandannite.
Tini kalqe heewonnite. Heewo kayinni bunshennita ikkitukkinni qullaambennita ikkituro hexxinanni gobbate jireenyi muleeti. Jawaate loosinohu afi’ranno baraarshi wolootaho baqqinaatu bilbilaat
Bakkalcho Badheessa 5, 2016 M.D
